1 SAMUEL 15:11 - Ombibeli Iyapuki

¹¹ “Ame nda nyika oluhodi, eshi nda ninga Saul ohamba, osheshi okwe liteeka nge ndele ina wanifa eendjovo dange.” Opo nee Samuel a ninga omwenyo mwii nokwa kuwa kOmwene oufiku aushe.

1 SAMUEL 15:11 ပူးပေါင်းရင်းမြစ်များ

GENESIS 6:6

onghee Omwene okwe lialuluka eshi a ninga omunhu kombada yedu, ndele Ye ta yehama momutima waye.

GENESIS 6:7

Ndele Omwene okwa tya: “Ovanhu ava nda shita onda hala oku va komba po kombada yedu, heeno, ovanhu noimuna yo, noialangati needila dokeulu. Osheshi otashi yehameke nge, eshi nde va ninga.”

2 SAMUEL 24:16

Ndelenee omweengeli eshi a nana eke laye kuJerusalem e shi tokeke, Omwene okwe lialuluka omupya, ndele a lombwela omweengeli ou a hanauna po ovanhu ndele ta ti: “Sha wana! Alula eke loye!” Nomweengeli wOmwene okwa li pefimbo olo poshipale shaArauna, Omujebusi.

1 EEHAMBA 11:9

Onghee hano Omwene okwa handukila Salomo, shaashi omutima waye we liteeka Omwene Kalunga kaIsrael, ou e mu lihololela luvali,

1 OMAFIMBO 10:13

Ndele Saul okwa fya omolweliteeko, eshi e liteeka Omwene, molweendjovo dOmwene ine di diinina, nashaashi a pula ounongo komhepo yomufi,

1 OMAFIMBO 21:15

Ndele Kalunga okwa tuma omweengeli kuJerusalem oku shi hanauna po. Ndele fimbo te shi hanauna po, Omwene e shi wete, nokwe lialuluka omolwomupya, nokwa lombwela omweengeli, ou ta hanauna: “Sha wana! Alula eke loye!” Nomweengeli wOmwene okwa kala ofika poshipale shOmujebusi Ornan.

JOB 34:27

shaashi vo ove mu liteeka, ndele inava diinina nande imwe yomeendjila daye,

OMAPSALOME 109:4

ohole yange otave i alulile nge ondubo, fimbo ame ndi li po, handi va indilile.

OMAPSALOME 110:4

Omwene okwa ana, ndele ite shi lundulula: “Oove omupristeli fiyo alushe opanghedi yaMelkisedek.”

OMAPSALOME 119:136

Omahodi otaa kunguluka momesho ange, shaashi omhango yoye ihave i yavala.

OMAPSALOME 125:5

Ndelenee ava, tave lihoololele eendjila domoxwati, ovo, Omwene ne va undwile mumwe novaningi vowii. Ombili nai kale naIsrael!

OMAPSALOME 36:3

Eendjovo domokanya kaye odo oixuna nouketuketu, okwa kaleka okulonga ounongo nouwa.

OMAPSALOME 78:41

Ndele alushe ova li va shinda Kalunga, nova handukifa Omuyapuki waIsrael.

OMAPSALOME 78:57

Ove mu pa ombuda, nove mu ninga oukululufi va fa ooxe, va shuna lwanima ngaashi outa wa yululuka.

EXODUS 32:11

Ndelenee Moses okwe liindilila onghenda kOmwene Kalunga kaye, ndele ta ti: “Akutu Omwene, omolwashike ehandu loye la xwamenena ovanhu voye, ove we va pitifa mo muEgipiti neenghono dinene neke li neenghono?

EXODUS 32:14

Opo nee Omwene okwe lialuluka kehandu eli a tongele te li ningile ovanhu vaye.

JEREMIA 11:10

Vo ova shunina momanyonauno ooxekulu votete, venya va li va anya okudulika keendjovo dange, ndele va shikula oikalunga noku i longela. Eumbo laIsrael neumbo laJuda okwa teya po ehangano nde li ningilile nooxekulu vavo.

JEREMIA 13:17

Ndelenee ngeenge itamu di udu odo, ope nee omwenyo wange otau kala nokulila meholeko molwelinenepeko li fike opo, tau lili shili nomahodi otaa tondoka momesho ange, osheshi oshiwana shOmwene otashi ka twalwa moupika.

JEREMIA 34:16

Ndelenee paife omwe lialuluka vali nomwa nyatekulula edina lange, eshi nye mwa alula nokufininika keshe umwe omupika waye omulumenhu nomukainhu, mwe va lekela, mwe va efa, nomwe va fininika va kale ovapika veni ovalumenhu novakainhu.

JEREMIA 9:1

Akutu, omutwe wange ngeno omeva, nomesho ange ofifiya yomahodi, ngeno nda lila eenghali doonakudipawa vomona okakadona koshiwana shange omutenya noufiku.

JEREMIA 9:18

va endelele ve tu lilile eenghali, opo omesho etu a tondoke omahodi, neemhafu detu di tondoke omeva.

HESEKIEL 18:24

“Ndelenee omuyuki ngeenge ta kanduka mouyuki waye ndele ta nyono ndele ta longo oixuna aishe ei tai ningwa kovahenakalunga, ye ota ka kala mbela e nomwenyo? Omauyuki aye aeshe e a ninga, itaa ka dimbulukiwa vali. Ye ota ka fya molweliteeko laye, eshi e liteeka po, nomolwoulunde ou a ninga.

AMOS 7:3

Opo nee Omwene e lialuluka moshinima eshi. Omwene ta ti: “Itashi ka ningwa.”

JONA 3:10

Ndele Kalunga okwa mona oilonga yavo, nokutya vo ova aluka kondjila yavo ii. Opo nee Kalunga e lialuluka komupya ou Ye e u tile e u va ningile, ndele Ye ine shi ninga.

JONA 4:2

Opo ye a ilikana Kalunga ndele ta ti: “Akutu Omwene! Hasho nda diladila, fimbo nda li moshilongo shetu? Onghee hano nda li nda hala okuya onhapo kuTarsis. Osheshi ondi shi shii, Oove Kalunga omunanghenda nomunalukeno nomutalanheni, nouwanghenda woye munene, ndele Ove ou ku kwete okulialuluka.

SEFANIA 1:6

naava yo va efa Omwene, ndele itava kongo Omwene, ndele itave mu pula.”

MATEUS 24:13

Ndelenee ou te lididimike fiyo exulilo, oye ta xupifwa.

MATEUS 5:44

Ndelenee Ame ohandi mu lombwele: Holeni ovatondi veni, ilikaneneni ovahepeki veni;

LUKAS 6:12

Ndele momafiku aa opa ningwa, Ye eshi a londa komhunda a ka ilikane, okwa kala ko oufiku aushe nokwiilikana Kalunga.

OVAHEBERI 10:38

ndele omuyuki wange ota ka kala e nomwenyo okeitavelo, ndele ngeenge ta shuna monima, omwenyo wange itau mu hokwa.”

JOSUA 22:16

Eongalo alishe lOmwene tali ti ngaha: “Nye omwa tauluka ngahelipi eudafano nokuliteeka Kalunga kaIsrael, nye eshi tamu liteeka Omwene nena eli, eshi mwe litungila oaltari ndele tamu tu ondubo nOmwene paife?

1 SAMUEL 12:23

Naame yo nashi kale nge kokule ndi nyone kOmwene ndi efe ngeno oku mu ilikanena. Ndelenee ame ohandi ke mu longa ouwa nondjila ya yuka.

1 SAMUEL 13:13

Opo nee Samuel ta ti kuSaul: “Owa ninga nai. Ino diinina oshipango shOmwene Kalunga koye, osho Ye e shi ku lombwela. Osheshi ngeno hasho, ngeno Kalunga a pameka ouhamba woye muIsrael fiyo alushe.

1 SAMUEL 15:10

Nondjovo yOmwene ye uya kuSamuel ndee ta ti:

1 SAMUEL 15:3

Inda hano paife u ka taatae Ovaamaleki ndele mu nokuhanauna po ashishe ve shi kwete. Ndele ino va fila onghenda, ndelenee u nokudipaa omulumenhu nomukainhu, okaana nokahanana, ongobe nodi, ongamelo nondongi.”

1 SAMUEL 15:35

Ndele Samuel ina mona vali Saul fiyo efiku lefyo laye, osheshi Samuel a nyika oluhodi omolwaSaul. NOmwene okwe livela ombedi molwaSaul, eshi e mu ninga ohamba yOvaisraeli.

1 SAMUEL 15:9

Ndelenee Saul novakwaita va xupifa Agag needi diwelela unene neengobe naado diwa kanini noudjona naashishe eshi shiwa, inava hala oku shi hanauna po. Ndelenee oinima aishe yongaho noihe na vali oshilonga shasha, ove i hanauna po.

1 SAMUEL 16:1

Opo nee Omwene ta ti kuSamuel: “Fiyo onaini to nyika oluhodi omolwaSaul? Ame nde mu ekelashi aha kale vali ohamba Ovaisraeli. Yadifa oshanga yoye omaadi u ye. Ame ohandi ku tumu kuIsai Omubetlehem, osheshi movana vaye ovamati, Ame nde lihoololela ohamba.”

1 SAMUEL 8:6

Ndelenee eendjovo odo inadi wapalela Samuel, vo eshi va tya: “Tu pa ohamba, yo i tu pangele.” Ndele Samuel okwa indila kOmwene.