1 SAMUEL 14:6 - Ombibeli Iyapuki

⁶ Opo nee Jonatan a lombwela omupiya waye, ou a humbata oiti yaye ndee ta ti: “Ila, tu ye popepi netanga lenangelo laava inava pita etanda. Kashiimba Omwene te tu ningile sha, osheshi Omwene iha nyengwa okuxupifa neenghono daava vahapu ile daava vanini.”

1 SAMUEL 14:6 ပူးပေါင်းရင်းမြစ်များ

2 SAMUEL 1:20

Inamu shi hepaulula muGat, inamu shi vilikila momapandavanda aAskelon, ovana oukadona vOvafilisti vaha hafe, ovana oukadona vaava inava pita etanda vaha kuwilile!

2 SAMUEL 16:12

Kashiimba Omwene wange ta ka tala oluhepo lange nOmwene ta ka alulila nge ouwa omolwetukano tali hange nge nena.”

2 EEHAMBA 19:4

Kashiimba Omwene Kalunga koye ta udu eendjovo adishe daRabsake, ou a tumwa komwene waye, ohamba yaAsiria, opo a sheke Kalunga, ndele Ye ote mu handukile omolweendjovo odo Omwene Kalunga koye a uda. Yelula hano eindilo molwoshixupe osho shi li po natango.”

2 OMAFIMBO 14:10

Opo nee Asa a ya oku mu shakeneka, ndele va tanda ombinga mefilu laSefata puMaresa.

2 OMAFIMBO 14:11

Ndele Asa okwa ifana Omwene Kalunga kaye, ndele ta ti: “Omwene, kape na nande umwe ta dulu okukwafa ngaashi Ove pokati komunaenghono naau ehe neenghono. Omwene Kalunga ketu, tu kwafa, shaashi hatu liameke kwoove, ndele medina loye twe uya okulwa nongudu oyo. Omwene, Oove Kalunga ketu. Ino efa omunhu e ku dule.”

OMAPSALOME 135:6

Omwene oha wanifa ashishe, eshi a hala meulu nokombada yedu, momafuta nomomaule aeshe ao.

JEREMIA 9:23

Omwene osho ta ti: Omunaendunge ine litangela eendunge daye, omunaenghono ine litangela eenghono daye, oshipuna shiha kale nokulitangela oupuna washo,

JEREMIA 9:25

Tala, omafiku otae uya, Omwene osho ta ti, Ame ohandi ka handukila aveshe va pita etanda, ndelenee ve li ngaashi inava pita etanda:

JEREMIA 9:26

Egipiti naJuda muEdom nOvaammoni, naMoab naaveshe ve likulula omitwe davo omixungo, ava va kala mofuka. Osheshi oiwana aishe yovapaani inava pita etanda, ndelenee epata alishe laIsrael inava pitifwa etanda komutima.

AMOS 5:15

Nye omu nokutonda eshi shii nokuhola eshi shiwa, ndele diinineni ouyuki poshivelo, kashiimba Omwene Kalunga komatanga ovakwaita ta ka filonghenda oshixupe shaJosef.

SEFANIA 2:3

Kongeni Omwene, nye amushe ovalininipiki vomoshilongo, onye ava hamu diinine omayukifo aye. Kongeni ouyuki! Kaleni nokukonga elininipiko. Kashiimba tamu ka amenwa mefiku lehandu lOmwene.

SAKARIA 4:6

Opo nee ye okwa nyamukula ndele ta ti kwaame: “Ondjovo yOmwene kuSerubbabel oyei, nokutya: Hakeenghono ile kefininiko, ndelenee okOmhepo yange, Omwene womatanga ovakwaita ota ti.

NUMERI 10:32

Ndele ove ngeenge ho ende pamwe nafye, ohatu ku ningile ouwa tuu ou Omwene te ke tu ningila.”

NUMERI 31:4

Nye mu nokutuma koita yOvamidian ovalumenhu eyovi limwe vomomapata aeshe aIsrael.”

MATEUS 19:26

Ndele Jesus okwe va tala ndele ta ti kuvo: “Heeno, ovanhu ohava nyengwa, ndele Kalunga iha nyengwa kusha.”

OVAROMA 8:31

Ohatu ti ngahelipi hano apa? Kalunga ngeenge e tu ama, olyelye ta tu ondubo nafye?

DEUTERONOMION 32:30

Umwe ta dulu ngahelipi okutaataa eyovi ndele vavali okutaataa omayovi omulongo, ongeenge emanya lavo inali va landifa po nOmwene ngeenge ine va efa po.

OVAFILIPPI 3:3

Osheshi ovapiti vetanda vashili ofye ava hatu longele Kalunga mOmhepo yaKalunga nohatu litangele Kristus Jesus, fye itatu lineekele ombelela,

JOSUA 14:12

Pe nge hano eemhunda odo da tongwa kOmwene, osheshi ove mwene we shi uda mefiku linya, nokutya Ovaanaki va kala ko, noko kwa li oilando inene i neehotekuma. Kashiimba Omwene e li pamwe naame, ndi shiive oku va taataa, ngaashi Omwene a tonga.”

OVATOKOLIPANGELI 15:18

Opo nee ye a fyenota unene ndele ta kuu kOmwene ta ti: “Ove wa yandja efindano eli linene keke lomupiya woye, ame ondi nokufya enota paife nokuwila momake aava inava pita etanda?”

1 SAMUEL 14:5

Ombudi imwe ya li ya fa ongudi kombinga yokoumbangalanhu ya shaamafana naMikmas, naikwao kombinga yokoumbuwanhu ya shaamafana naGeba.

1 SAMUEL 14:7

Opo nee omuhumbati woiti yaye ta ti kuye: “Ninga aishe i li momutima woye. Ninga ngaashi wa hala. Ame ondi li pwoove pahalo lomutima woye.”

1 SAMUEL 17:26

Opo nee David a pula ovalumenhu ava va kala ofika puye ndee ta ti: “Omulumenhu ou ta dipaa Omufilisti ou, ndee ta kombo po ohoni muIsrael, ota ka pewa shike? Osheshi Omufilisti ou ina pita etanda, omushike ngeno, eshi ta sheke omatanga ovakwaita vaKalunga omunamwenyo?”

1 SAMUEL 17:36

Omupiya woye a dipaa onghoshi nemwangha, nOmufilisti ou ina pita etanda ta ka ningwa naanaa ngaashi imwe yomwaadinya, shaashi ye a sheka omatanga ovakwaita vaKalunga.

1 SAMUEL 17:46

Onena eli Omwene te ku yandje meke lange, opo ndi ku dipae ndele ndi kufe po omutwe woye ndele ndi shiive okuyandja oimhu yovakwaita Ovafilisti keedila dokeulu nokoifitukuti yokombada yedu, opo edu alishe li shiive nokutya, Israel e naKalunga.

1 SAMUEL 17:47

Opo nee ongudu ei inene tai ka shiiva nokutya, Omwene ita xupifa neongamukonda neonga. Osheshi olwoodi olOmwene, ndele Ye ote ke mu yandja momake etu.”

1 SAMUEL 31:4

Ndele Saul okwa lombwela omuhumbati woiti yaye: “Pweya mo eongamukonda loye u twe nge nalo, opo venya inava pita etanda vehe uye okutwa nge, ndele vaha sheke nge.” Ndele omuhumbati woiti yaye ina hala, osheshi a tila unene. Onghee hano Saul okwa kufa eongamukonda nokwe litwa nalo.