1 SAMUEL 14:3 - Ombibeli Iyapuki

³ Ndele Ahia yaAhitub, omumwaina waIkabod yaPinehas yaEli, omupristeli womuSilo, okwa li a djala oshikutu shokomapepe. Ndelenee ovakwaita inava shiiva nokutya, Jonatan okwa dja po.

1 SAMUEL 14:3 ပူးပေါင်းရင်းမြစ်များ

1 SAMUEL 1:3

Nomulumenhu ou okwa li ha di moshilando shavo ndele ta i omudo keshe okwiilikana nokuyambela Omwene womatanga ovakwaita kuSilo, oko ovana ovamati vavali vaEli, Hofni naPinehas, va li ovapristeli vOmwene.

1 SAMUEL 14:36

Opo nee Saul ta ti: “Tu yeni, tu ka shikuleni Ovafilisti oufiku nokunyeka fiyo kwa sha. Ndele inatu efeni nande umwe a kale nomwenyo.” Ndele vo va nyamukula: “Ninga ashishe eshi tashi ku wapalele.” Ndelenee omupristeli ta ti: “Tu eheneni kuKalunga!”

1 SAMUEL 2:18

Ndelenee okamati Samuel ka yakula moilonga koshipala shOmwene, ndele ka li ka djala oshikutu shokomapepe sholiina.

1 SAMUEL 2:28

Ndele Ame onde mu hoolola momapata aeshe aIsrael ngaashi omupristeli, a londe koaltari yange a xwameke oitwiminifo ndele a djale oshikutu shokomapepe moipafi yange. Ndele Ame nda yandja kepata laxo omindiloyambo adishe dovana vaIsrael.

1 SAMUEL 22:20

Ndelenee umwe womovana ovamati vaAhimelek yaAhitub okwa xupifwa, nedina laye la li Abjatar. Ye okwa ya onhapo kuDavid.

1 SAMUEL 4:21

ndelenee okwa luka okaana okalume Ikabod ndele ta ti: “Efimano laIsrael la xula po!” Ye a diladila okwiiwa nako kwoshikefa shaKalunga naxemweno nomulumenhu waye.

1 SAMUEL 4:4

Opo nee ovakwaita va tuma ko kuSilo, ndele va eta ko oshikefa shehangano lOmwene womatanga ovakwaita, ou ta kala kombada yovakerubi. Novana ovamati vavali vaEli, Hofni naPinehas, va li poshikefa shehangano laKalunga.