1 SAMUEL 14:12 - Ombibeli Iyapuki

¹² Novalumenhu vometanga lenangelo va lombwela Jonatan nomuhumbati woiti yaye, tava ti: “Londeni, mu uye kufye, opo nee hatu mu ulikile sha!” Opo nee Jonatan ta ti komuhumbati woiti yaye: “Londa, shikule nge, shaashi Omwene e va yandja meke laIsrael.”

1 SAMUEL 14:12 ပူးပေါင်းရင်းမြစ်များ

GENESIS 24:42

“Ame onde uya nena komufima ndele handi ti: ‘Omwene, Kalunga kaAbraham, omwene wange, ngeenge owa hala okumonifa nge elao mondjila yange,

GENESIS 24:48

ndele ame onde linyongamena nokutwa oshipala poshi koshipala shOmwene Kalunga kaAbraham, omwene wange, ou a endifa nge nondjila ya yuka opo ndi monene omona womwene wange, omona okakadona kamumwaina womwene wange.

2 SAMUEL 5:24

Ndele ove ngeenge to udu oikukulo yeemhadi membolongodjo lomiti domitaku, tota hano, osheshi Omwene te ku tetekele komesho a ka denge omatanga Ovafilisti.”

2 EEHAMBA 14:8

Opo nee Amasia a tuma ovatumwa kuJoas yaJoahas yaJehu, ohamba yaIsrael, va tye: “Ila, tu lwe!”

OVATOKOLIPANGELI 4:14

Opo nee Debora ta ti kuBarak: “Lilongekida, osheshi efiku tuu eli Omwene ta yandje Sisera meke loye.” Omwene te ku kwatele komesho! Opo nee Barak okwa londoloka komhunda yaTabor, novalumenhu omayovi omulongo ve mu shikula.

OVATOKOLIPANGELI 7:14

Nomukwao okwa nyamukula ta ti: “oyo kai na shimwe, oyo eongamukonda laGideon yaJoas, Omuisraeli. Kalunga okwa yandja onhanda aishe meke laye.”

OVATOKOLIPANGELI 7:15

Gideon eshi a uda ondjodi nefatululo layo, okwe linyongamena ta indile. Ndele okwa shuna konhanda yOvaisraeli ndele ta ti: “Fikameni, osheshi Omwene ta yandje onhanda yOvamidian momake eni.”

OVATOKOLIPANGELI 9:54

Opo nee ye okwa ifana diva omupiya waye, omuhumbati woilwifo yaye, ndele ta ti kuye: “Pweya mo eongamukonda loye, ndele to dipaa nge vo vaha shiive okutya: omukainhu e mu dipaa.” Opo nee omupiya waye e mu twa eongamukonda la tyuuka, ndele ta fi.

1 SAMUEL 14:10

Ndelenee ngeenge tava ti: ‘Ileni oku kufye,’ opo nee hatu londo ko, osheshi Omwene e va yandja momake etu. Osho tashi ka ninga edidiliko letu.”

1 SAMUEL 14:13

Ndele Jonatan ta ende te likoko omwoodimba nomuhumbati woiti yaye e mu shikula. Ndele venya va wila po komesho yaye, fimbo omuhumbati woiti yaye te va shemununa.