1 SAMUEL 14:1 - Ombibeli Iyapuki

¹ Ndele efiku limwe Jonatan yaSaul okwa lombwela omupiya waye, ou a humbata oiti yaye ndee ta ti: “Ila, tu ye ketanga lenangelo lOvafilisti li li kwinya.” Ndelenee ine shi shiivifila xe.

1 SAMUEL 14:1 ပူးပေါင်းရင်းမြစ်များ

MIKA 7:5

Inamu itavela omukweni, nye inamu lineekela ookaume. Omwalikadi ou e li mekolo loye mu umikila oshivelo shokanya koye.

OVATOKOLIPANGELI 14:6

Ndelenee Omhepo yOmwene ye mu uya, nokwe i pombaula, ngaashi omunhu ta pombaula okakombwena, ye okwa li hamakasha. Ndelenee ye ina hepaululila xe naina, osho ye e shi ninga.

OVATOKOLIPANGELI 14:9

Ndele ye okwe a kufa mo noku a shambekela momake aye nokwa lya mokweenda kwaye. Ndele okwa ya kuxe naina ndele te va pe. Ndele vo ova lya, ndelenee ye ine va hepaululila nokutya, omaadi eenyiki okwe a kufa momutunhu wonghoshi.

OVATOKOLIPANGELI 6:27

Opo nee Gideon okwa kufa ovalumenhu omulongo vomovapiya vaye nokwa ninga ngaashi Omwene e mu lombwela. Ndelenee ye eshi a tila eumbo laye novalumenhu vomoshilando, e shi ninge omutenya, ye okwe shi ninga oufiku.

1 SAMUEL 13:2

Saul e lihoololela ovalumenhu omayovi atatu muIsrael. Omayovi avali a li puSaul muMikmas nokeemhunda daBetel, neyovi limwe la li puJonatan muGibea shomuBenjamin. Ndelenee ovakwaita va xupa ko, e va lekela, keshe umwe a ye ketwali lavo.

1 SAMUEL 13:22

Onghee hano mefiku lolwoodi momake ovakwaita aveshe inamu monika nande eongamukonda ile outa, ovakwaita ava va kala puSaul nopuJonatan.

1 SAMUEL 13:23

Nongudu yovanangeli vOvafilisti va dja po va ya komhito yokuMikmas.

1 SAMUEL 14:2

Ndele Saul a li omutumba momuti wagranati, ou u li muMigron pongaba yaGibea novakwaita ava va li puye, ova li ve fike ngeno pomafele ahamano.

1 SAMUEL 25:19

Ndele ye okwa lombwela ovapiya vaye ta ti: “Pitilei nge komesho, ame ohandi mu shikula.” Ndelenee ina shiivifila sha omulumenhu waye Nabal.