1 SAMUEL 13:7 - Ombibeli Iyapuki

⁷ NOvaheberi va tauluka Jordan va ya medu laGad naGilead. Ndelenee Saul okwa li natango muGilgal pamwe novakwaita aveshe ava ve mu shikula nokukakama.

1 SAMUEL 13:7 ပူးပေါင်းရင်းမြစ်များ

LEVITIKUS 26:17

Ndele oshipala shange Ame ohandi ke shi mu taalelifila nehandu, opo nye mu tewatewe kovatondadi veni. Novatondadi veni tave ke mu pangela, ndele nye otamu ke litwala onhapo nande pehe na ou te mu taataa.

DEUTERONOMION 20:8

Omalenga naa popife vali ovanhu noku va lombwela: ‘Ou ha tila ndele e noumbada, na shune keumbo, opo vakwao yo vaha kanife onyati yavo ngaashi winya.’

DEUTERONOMION 28:25

“Omwene te shi ningi nokutya, ove to tewa kovatondadi voye. Nondjila imwe to i u ke va shakeneke, ndelenee neendjila heyali ove to ke va ya onhapo; ndele ove to ka ninga oixuna koilongo aishe kombada yedu.

DEUTERONOMION 3:12

“Nedu tuu eli twe li nangala mefimbo olo, okudja kuAroer, osho shi li pomulonga waArnon, netata leemhunda daGilead noilando yomusho, ame nde i yandja kOvarubeni nokOvagad.

JOSUA 13:11

naGilead noshikandjo shOvagesuri noshOvamaakati nomhunda aishe yaHermon naBasan ashishe fiyo okuSalka.

JOSUA 13:8

Pamwe nOvamanasse nOvarubeni nOvagad ova tambula oshitukulwafyuululwa shavo, osho Moses e shi yandja kuvo kombinga inya yokoushilo waJordan, ngaashi Moses, omupiya wOmwene, e va pa:

OVATOKOLIPANGELI 7:3

Ingidila omatanga ovakwaita u tye: ‘Ou ta tila ndele ta kakama, na piluke a shune keumbo, ndele fye ohatu kala apa pomhunda yaGilead.’ ” Opo nee ovakwaita omayovi omilongo mbali nomayovi avali va piluka, nomayovi omulongo a fyaala po.

1 SAMUEL 13:8

Ndele ye okwa teelela omafiku aheyali, efimbo olo la tongwa kuSamuel. Ndelenee Samuel eshi ine uya kuGilgal novanhu ve lihana po puye,

1 SAMUEL 17:11

Saul nOvaisraeli aveshe eshi va uda eendjovo odo dOmufilisti, ova haluka ndele va tila unene.

1 SAMUEL 31:7

Opo nee ovalumenhu Ovaisraeli ovo va kala kombinga inya yoluhaela nokombinga inya yaJordan va mona nokutya, ovalumenhu Ovaisraeli va ya onhapo, naSaul novana vaye ovamati va fya, ndele va fiya po oilando yavo ndele va ya onhapo. NOvafilisti ve uya ndele va tula mo muyo.