1 SAMUEL 13:5 - Ombibeli Iyapuki

⁵ Ndele Ovafilisti va ongala va lwife Ovaisraeli. Omatemba oita omayovi atatu novalondi veenghambe, omayovi ahamano novaendi vokolupadi vahapu ve fike peheke pomunghulo wefuta. Vo ove uya ndele va onga onhanda puMikmas, koushilo waBet-Aven.

1 SAMUEL 13:5 ပူးပေါင်းရင်းမြစ်များ

GENESIS 22:17

ohandi ke ku nangeka noupuna unene noludalo loye ohandi li hapupalifa unene ngaashi eenyofi dokeulu nongaashi eheke pomunghulo wefuta. Noludalo loye otali ka nangala moivelo yovanaita nalo.

2 SAMUEL 17:11

Ndelenee ame ohandi ku pe eendunge, handi ti: Ifana Ovaisraeli aveshe okudja kuDan fiyo okuBerseba va ongale pwoove, vo aveshe ngaashi eheke pomunghulo wefuta. Naave yo mwene u nokuya molwoodi.

1 EEHAMBA 20:27

Novana vaIsrael ova ongelwa yo, ndele va tukulilwa onghuta, ndele va ya okushakena navo. Novana vaIsrael va onga onhanda yavo ya shaama navo, ngaashi oungudu vavali vanini voikombo, ndelenee Ovaarami va yadifa edu.

2 OMAFIMBO 1:9

Omwene Kalunga, ondjovo yoye we i lombwela tate David paife nai ninge yoshili. Osheshi wa ninga nge ohamba yovanhu vahapu ngaashi ondwi yedu.

JESAJA 10:28

Oye okwa dja kuRimmon, nokwe uya kuAijat, ta pitile muMigron, oililongekidwa yaye ote i fii muMikmas;

JESAJA 48:19

opo nee ngeno oludalo loye ola li li fike pehekedu, naava tava di molutu loye, vahapu ngaashi omawe edu ngeno edina loye itali ka dimwa po ndele itali ka kana moipafi yange.”

JEREMIA 15:8

Ovafiyekadi vavo tava ka hapupalela nge vahapuhapu ve dule eheke lopefuta. Ooina yovanyasha ohandi ke va undulila omuhanauni pokati komutenya. Ohaluka, Ame ohandi ke va tilila oumbada netilifo.

HOSEA 10:5

Oonakukalamo muSamaria tava ka tila molwonhana yomuBet-Aven. Osheshi omolwonhana ovanhu vasho tava ka nyika oufiye, novapristeli vasho tava ka kakama omolwefimano lasho eli tali kufwa po.

HOSEA 4:15

Israel, ove nande ho haele, Juda nashi kale shihe litule mokunyona. Inamu ya kuGilgal, ndele inamu ka londa kuBet-Aven, ndele nye inamu ana: “Oshilishili, ngaashi Omwene e nomwenyo.”

HOSEA 5:8

Shikileni omanghuma muGibea, ndele shikeni enghuma loshikushu muRama. Kuweni onghuwo yoita muBet-Aven. Ve uya ve li konima yoye, Benjamin.

OVAROMA 9:27

Ndele Jesaja ota ingida ta popi Israel: “Nonande omuvalu wovana vaIsrael nau fike peheke lopomunghulo wefuta, oshixupe ashike tashi xupifwa.

JOSUA 11:4

Opo nee do oda fikama nomatanga ado aeshe ovakwaita pamwe nado, ovanhu vahapu ve fike pedu lokomunghulo wefuta pamwe neenghambe dihapu nomatemba oita.

JOSUA 18:12

Nomufinda wongaba yavo kombinga yokoumbangalanhu oyou: okudja kuJordan, omufinda tau londo koshikulundudu shi li koumbangalanhu waJeriko ndele tau londo keemhunda kombinga yokouninginino, ndele tau xulile mombuwa yaBet-Aven.

JOSUA 7:2

Opo nee Josua okwa tuma ovalumenhu va dja kuJeriko va ye kuAi, shi li puBet-Aven koushilo waBetel, ndele ye okwa popya navo, ndele ta ti: “Indeni mu ka lave oshilongo.” Novalumenhu va ya ndele va lava Ai.

OVATOKOLIPANGELI 7:12

NOvamidian nOvaamaleki novanhu aveshe vokoushilo va nangala monhanda ngaashi ouhapu woshipaxu neengamelo davo da li dihapu da nyengwa okuvalwa ngaashi edu momunghulo wefuta.

1 SAMUEL 13:11

Opo nee Samuel ta pula: “Owa ninga shike?” Ndele Saul ta ti: “Ame nda mona ovakwaita ve lihana po pwaame. Ndele ove eshi ino uya pefimbo la tongwa, nofimbo Ovafilisti va ongala muMikmas,

1 SAMUEL 13:2

Saul e lihoololela ovalumenhu omayovi atatu muIsrael. Omayovi avali a li puSaul muMikmas nokeemhunda daBetel, neyovi limwe la li puJonatan muGibea shomuBenjamin. Ndelenee ovakwaita va xupa ko, e va lekela, keshe umwe a ye ketwali lavo.

1 SAMUEL 14:23

NOmwene okwa xupifa Ovaisraeli mefiku tuu olo olwoodi eshi la koya Bet-Aven.

1 SAMUEL 14:52

Omalwoodi okulwifa Ovafilisti okwa li a handuka fimbo Saul kwa li e nomwenyo. Ndele keshe apa Saul a hanga po ependa ile omulumenhu omuladi, ye e mu kufa a kale puye.

1 SAMUEL 17:1

NOvafilisti va ongela omatanga avo ovakwaita va ka homone, ndele va ongala puSogo shomuJuda ndele va onga onhanda pokati kaSogo naAseka muEfes-Dammim.

1 SAMUEL 7:13

NOvafilisti va ninipikwa, onghee inave uya mo vali moshilongo shaIsrael, neke lOmwene la kondjifa Ovafilisti omafiku aeshe aSamuel.