1 SAMUEL 12:9 - Ombibeli Iyapuki

⁹ Ndelenee vo ova dimbwa Omwene Kalunga kavo. Onghee hano Ye e va landifa po momake aSisera ondjai yaHasor, nomomake Ovafilisti nomomake ohamba yaMoab, ava ve va lwifa.

1 SAMUEL 12:9 ပူးပေါင်းရင်းမြစ်များ

2 SAMUEL 7:11

ngaashi shito, okudja kefiku tuu linya Ame nda pa oshiwana shange Israel ovatokolipangeli. Ndelenee Ame ohandi ke ku pa etulumuko kovatondadi voye aveshe. NOmwene ote ku shiivifile nokutya Ye ote ke ku tungila eumbo.

OMAPSALOME 106:21

Okwa li va dimbwa Kalunga, Omuxupifi wavo, ou a ningile oinima inene muEgipiti,

JESAJA 63:10

Ndelenee vo ove mu twila ondubo ndele va nyikifa Omhepo yaye Iyapuki oufiye, onghee Ye okwe lishitula omunaita navo, ndele Ye mwene okwe va lwifa.

JEREMIA 2:32

“Okakadona otaka dimbwa ngeno omidjalo dako, nomufuko ekwamo laye? Ndelenee ovanhu vange ova dimbwa nge omafiku mahapu.

DEUTERONOMION 32:18

Ove ino dimbulukwa emanya olo le ku dala, ndele wa dimbwa Kalunga ou e ku pa omwenyo.

DEUTERONOMION 32:30

Umwe ta dulu ngahelipi okutaataa eyovi ndele vavali okutaataa omayovi omulongo, ongeenge emanya lavo inali va landifa po nOmwene ngeenge ine va efa po.

OVATOKOLIPANGELI 10:7

Onghee hano ehandu lOmwene la xwamena Israel, ndele Ye okwe va landifa po momake Ovafilisti nomomake ovana vaAmmoni.

OVATOKOLIPANGELI 13:1

Novana vaIsrael eshi va ninga vali eshi inashi wapala momesho Omwene, Omwene e va yandja momake Ovafilisti omido omilongo nhee.

OVATOKOLIPANGELI 2:14

ehandu lOmwene ola xwamena Ovaisraeli ndele Ye e va efela momake ovahanauni, ava ve va lwa. Ndele Ye okwe va landifa po momake ovatondadi vavo ve va dingilila, onghee hano va nyengwa okulipopila moipafi yovatondadi vavo.

OVATOKOLIPANGELI 3:12

Novana vaIsrael ova ninga vali eshi shii momesho Omwene. Onghee hano Omwene okwa pameka Eglon, ohamba yaMoab, okulwifa Israel, shaashi vo ova ninga eshi shii momesho Omwene.

OVATOKOLIPANGELI 3:31

Konima yaye Samgar yaAnat e uya. Ye okwa dipaa ovalumenhu omafele ahamano Ovafilisti neonga lokushovelifa eengobe. Naye yo okwa mangulula Israel.

OVATOKOLIPANGELI 4:2

Onghee hano Omwene e va landifa po momake aJabin, ohamba yOvakaanan, ya pangela muHasor. Nondjai yayo oya li Sisera onakukalamo muHaroset shovapaani.

1 SAMUEL 12:15

Ndelenee ngeenge nye itamu pwilikine ondaka yOmwene, ndele tamu anye omhango yOmwene opo nee eke lOmwene tali ke mu kondjifa ngaashi eehamba deni.