1 SAMUEL 12:8 - Ombibeli Iyapuki

⁸ Jakob eshi e uya kuEgipiti nOvaegipiti ove va hepeka, ooxo eshi va kuwa kOmwene, Omwene okwa tuma Moses naAron. Ndele vo ova pitifa mo ooxo muEgipiti ndele e mu nangeka monhele ei.

1 SAMUEL 12:8 ပူးပေါင်းရင်းမြစ်များ

OMAPSALOME 105:44

opo nee e va pa oilongo yovapaani, nolukongo loiwana yoilongo, eli ye likongelele, vo ve li kwata,

EXODUS 12:51

Ndele mefiku tuu olo Omwene okwa pitifa mo medu laEgipiti Ovaisraeli pamatanga avo.

EXODUS 6:26

Hano Moses naAron ova lombwelwa kOmwene: “Pitifeni mo Ovaisraeli medu lOvaegipiti pamatanga avo.”

NUMERI 20:15

Ootate yetu va tembukila muEgipiti ndele fye otwa kala omafiku mahapu muEgipiti. NOvaegipiti ve tu hepeka fye nootate.

OILONGA YOVAYAPOSTOLI 7:15

Ndele Jakob okwa ya kuEgipiti, ndele oko a fila ye mwene nootate.

JOSUA 1:6

Kala wa pama. Kala wa nyatipala. Osheshi ove oto ka tukulila ovanhu ava oshilongo efyuululo, Ame nde shi udanekela ooxe nokwaana ndi shi va pe.

JOSUA 21:43

Osho ngaha hano Omwene okwa yandja kuIsrael edu alishe, Ye e li udanekelele ooxe nokwaana e li va pe. Ndele vo ove li nangala ndele va kala mo.

1 SAMUEL 10:18

ndele ta ti kovana vaIsrael: Omwene Kalunga kaIsrael ta ti ngaha: Ame nda pitifa Israel muEgipiti nde va xupifa momake Ovaegipiti nomomake oilongo aishe oyo ye va fininika.

1 SAMUEL 12:6

Samuel okwa lombwela vali ovanhu ndee ta ti: “Ondobwedi Oye Omwene ou a ifana Moses naAron, ndele a pitifa mo ooxo medu laEgipiti.