1 SAMUEL 12:21 - Ombibeli Iyapuki

²¹ Ndele inamu kanduka po, mu shikule oikalunga yongaho, yo ihai dulu okukwafa nokuxupifa, shaashi yo oinima yongaho.

1 SAMUEL 12:21 ပူးပေါင်းရင်းမြစ်များ

2 EEHAMBA 17:15

Ndele va ekelashi eenghedimhango daye nehangano laye, Ye e li ninga nooxe, neendobwedi nado Ye e va londwela, ndele va shikula oikalunga yongaho ndele voovene yo va ninga vongaho. Ndele va shikula oiwana tai va dingilile, molwayo Omwene e va lombwelele, vaha ninge ngaashi inya.

JESAJA 41:29

Tala, ovo aveshe ngaashi ve li, kave na oshilonga, oilonga yavo aishe oinima yongaho; omafanotelekwa avo okaulapepo nongaho aike.

JESAJA 45:20

“Ongaleni, nye mu uye, ndele eheneni oku amushe onye ava mwa xupila moiwana. Ovo hava djala oihongwafano yoiti itava shiiva nande sha, ndele hava ilikana kalunga ita dulu okukwafa sha.

JESAJA 46:7

Ovo tave shi tula komapepe, tave shi humbata notave shi kaleke ofika ponhele yasho. Sha fikamekwa po! Itashi linyenge ponhele yasho. Nongeenge umwe te shi ifana yo pombada itashi nyamukula sha, noitashi mu xupifa moudjuu waye.

JEREMIA 10:15

Yo oinima yongaho, oshilonga shoiyolifa, nefimbo lokuhandukilwa kwavo ngeenge tali uya, otai nyonauka po.

JEREMIA 10:8

Ndelenee vo aveshe omalai novashima! Elongelokalunga loikalunga olongaho, oyo oiti,

JEREMIA 14:22

Oikalunga yongaho yoiwana otai shiiva mbela okulokifa odula, ile omu shii eulu loovene otali lokifa odula? Haave Omwene, Kalunga ketu? Ove hatu teelele! Osheshi aishe ei Ove we i ninga.

JEREMIA 16:19

Omwene, Oove eenghono dange neameno lange noshihondameno shange mefiku loudjuu! Oiwana aishe tai uya kwoove tai di kominghulo dedu ndele tai ti: Omakoto ongaho ootatekulu ve a fyuulula, oikalunga yongaho, muyo kamu na nande shimwe tashi dulu okukwafa.

JEREMIA 2:13

Osheshi ovanhu vange ova nyona pavali: Ove liteeka nge nande Aame ofifiya yomeva omwenyo, ndele vo ve lixupila omifima da tenda omifya, dihe shii okukala omeva.

JEREMIA 2:5

Omwene ota ti ngaha: Ooxokulu ova mona owii washike mwaame, eshi ve liteeka nge va ya kokule, ndele va shikula oikalunga yongaho ndele voovene va ninga vongaho?

JONA 2:8

Ovo tava fimaneke oikalunga yongaho, otava ekeleshi ou te va filonghenda.

JONA 2:9

Ndelenee ame nda hala oku ku yambela nondaka yepandulo. Eshi nde shi udanekela, ohandi ke shi wanifa. Exupifo oli li mOmwene.”

HABAKUK 2:18

Oshihongwafano sha hongwa komuhongi washo oshi nekwafo lashike? Ile oshitelekwafano omuxunganeki woipupulu, omuteleki washo eshi te shi lineekele, ndele ta ningi oikalunga ihe nondaka oi nekwafo lashike?

OILONGA YOVAYAPOSTOLI 14:15

tava ti: “Ovalumenhu nye, oshike tamu ningile ngaha? Nafye yo ovanhu ngaashi nye, ndele hatu mu udifile evaengeli, opo mu lidilulule, nye mu efe oikalunga ei yongaho, nye mu alukile kuKalunga omunamwenyo ou a shita eulu nedu, nefuta nakeshe eshi shi li mo.

1 OVAKORINTO 8:4

Mokupopya hano okulya kwombelela yeyambo, fye otu shi shii, mounyuni kamu na nande oikalunga, ndele ngaashi kaku na Kalunga umwe e lili, Oye tuu ou umwe aeke.

DEUTERONOMION 11:16

Lungameni, omitima deni diha pukifwe, mu liteeke nokufimaneka oikalunga imwe noku i longela noku i linyongamena,

DEUTERONOMION 30:17

Ndelenee omutima woye ngeenge tau pilamene ko, ndele ito pwilikine ndele to liefele okuhongaulwa u linyongamene koikalunga imwe, ndele to i longele,

DEUTERONOMION 32:21

Vo ova pendula ouladi wange mwaashi shihe fi Kalunga. Vo va handukifa nge molwoikalunga yavo yongaho. Opo nee Ame ohandi ka pendula ouladi wavo molwoshiwana shihe fi oshiwana, noshiwana shihe neendunge, ohandi va handukifa.