1 SAMUEL 12:11 - Ombibeli Iyapuki

¹¹ NOmwene okwa tuma Jerubbaal naBarak naJefta naSamuel, ndele okwe mu xupifa mo movatondadi veni ve mu dingilila, opo mwa shiiva okukala netulumuko.

1 SAMUEL 12:11 ပူးပေါင်းရင်းမြစ်များ

2 EEHAMBA 13:5

Omwene okwa yandja kOvaisraeli omuxupifi, opo va dula okudja mo mepangelo laAram, novana vaIsrael va shiiva okukala nombili momatwali avo ngaashi shito.

1 OMAFIMBO 7:17

Nomona waUlam kwa li Bedan. Ovo hano ovana ovamati vaGilead, omona waMakir yaManasse.

OVATOKOLIPANGELI 4:6

Opo nee ye okwa ifana Barak yaAbinoam wokuKedes muNaftali ndele ta ti kuye: “Omwene Kalunga kaIsrael ota ti ngaha: ‘Fikama, inda komhunda yaTabor, ndele kufa ovalumenhu omayovi omulongo movana vaNaftali nomovana vaSebulon pamwe naave.

OVATOKOLIPANGELI 6:14

Opo nee Omwene e mu pungulukila ndele ta ti: “Inda meenghono tuu edi doye ndele xupifa Israel meke lOvamidian. Ame ohandi ku tumu.”

OVATOKOLIPANGELI 6:31

Ndelenee Joas okwa lombwela aveshe ava va kala puye: “Mwa hala okukondjela Baal? Ile mwa hala oku mu kwafa? Ou te mu kondjele ota ka fya mongula. Ye ngeenge oshikalunga, ne lipopile mwene, shaashi winya a ngumauna po oaltari yaye.”

OVATOKOLIPANGELI 6:32

Onghee hano ve mu luka efiku olo: “Jerubbaal, ndele tava ti: Baal ne mu kondjife, ye eshi a ngumauna po oaltari yaye.”

OVATOKOLIPANGELI 7:1

Opo nee Jerubbaal nokutya, Gideon, nomatanga aeshe ovakwaita ava va li puye, ova meneka, ndele va onga onhanda polufifiya Harod, fimbo onhanda yOvamidian ya li ye mu ama koumbangalanhu okudja koshikulundu More kepumbu.

OVATOKOLIPANGELI 8:29

Ndele Jerubbaal yaJoas okwa ya keumbo nokwa kala ko.

OVATOKOLIPANGELI 8:35

Ndele vo inava alulila eumbo laJerubbaal (Gideon), omolwouwa aushe ou okwa li a ningila Israel.

1 SAMUEL 3:20

Ndele Israel ashishe okudja kuDan fiyo okuBerseba sha shiiva nokutya, Samuel a tulwa po omuxunganeki wOmwene.

1 SAMUEL 7:13

NOvafilisti va ninipikwa, onghee inave uya mo vali moshilongo shaIsrael, neke lOmwene la kondjifa Ovafilisti omafiku aeshe aSamuel.