1 SAMUEL 11:6 - Ombibeli Iyapuki

⁶ NOmhepo yaKalunga ye uya kombada yaSaul, fimbo ta udu eendjovo odo, ndele ye okwa handuka shili.

1 SAMUEL 11:6 ပူးပေါင်းရင်းမြစ်များ

EXODUS 32:19

Ndele ye eshi a ehena popepi nonhanda, ndele a mona onhana nedanotanho, ehandu laMoses la xwama, nokwa ekelashi oipelende ya li momake aye, nokwe i tatula pefina lomhunda.

NUMERI 12:3

Ndelenee Moses okwa li omulumenhu omulininipiki unene e dule ovanhu aveshe kombada yedu.

MARKUS 3:5

Opo nee Ye okwa keuka e va tala nehandu, okwa nyika oluhodi omolwoukukutu womitima davo, ndele okwa tya komulumenhu ou: “Nana eke loye.” Ye okwe li nana, ndele eke laye ola veluka.

OVAEFESO 4:26

Handukeni, ndelenee inamu nyona. Inamu efa etango li ningine mu nehandu.

OVATOKOLIPANGELI 11:29

Opo nee Omhepo yOmwene ye uya kuJefta, nokwa tauluka Gilead naManasse ndele ta i kuMispa muGilead. Nokwa dja kuMispa muGilead ndele ta i kovana vaAmmoni.

OVATOKOLIPANGELI 13:25

NOmhepo yOmwene ya hovela oku mu endifa monhanda yaDan pokati kaSorea naEstaol.

OVATOKOLIPANGELI 14:6

Ndelenee Omhepo yOmwene ye mu uya, nokwe i pombaula, ngaashi omunhu ta pombaula okakombwena, ye okwa li hamakasha. Ndelenee ye ina hepaululila xe naina, osho ye e shi ninga.

OVATOKOLIPANGELI 15:14

Ye eshi e uya kuLehi, Ovafilisti va hafa omolwaye. Ndelenee Omhepo yOmwene ye uya muye, neengodi odo da li da manga omaoko, da ninga ngaashi eefipa da pya komundilo, neengodi da manguluka momake aye.

OVATOKOLIPANGELI 3:10

NOmhepo yOmwene ye uya kombada yaye, ndele ye okwa li omutokolipangeli wOvaisraeli ndele okwa fikama a ka homone. NOmwene okwa yandja momake aye Kusan-Risataim, ohamba yaMesopotamia, opo ye a taataa Kusan Risataim.

OVATOKOLIPANGELI 6:34

NOmhepo yOmwene ya yada muGideon. Ndele ye okwa shika enghuma lodi yomhedi, nOvaabieser va ifanwa ve mu shikule.

1 SAMUEL 10:10

Vo eshi ve uya kuGibea, ongudu imwe yovaxunganeki ye mu shakeneka, nOmhepo yaKalunga ye uya kombada yaye, opo ye a xunganeka mokati kavo.

1 SAMUEL 10:6

Ndele Omhepo yOmwene tai uya kombada yoye, opo naave yo to ka xunganeka ndele to lunduluka omunhu omupe.

1 SAMUEL 16:13

Opo nee Samuel a kufa oshanga yomaadi nokwe mu vaeka mokati kovamwaina, nOmhepo yOmwene ye uya muDavid kefiku tuu olo ndele ya kala muye. Ndele Samuel okwa fikama ndee ta i kuRama.

1 SAMUEL 16:14

Ndelenee Omhepo yOmwene ya dja muSaul, nomhepo ii, ya tumwa kOmwene, ye mu hepeka.