1 SAMUEL 10:7 - Ombibeli Iyapuki

⁷ Nomadidiliko aa eshi a wanifwa, ninga hano eshi u noku shi ninga, osheshi Kalunga e li pamwe naave.

1 SAMUEL 10:7 ပူးပေါင်းရင်းမြစ်များ

GENESIS 21:20

Ndele Kalunga okwa kala pamwe nokaana. Ndele oka kula ndee taka kala mofuka ndele taka ningi omukongo.

2 SAMUEL 7:3

Opo nee Natan ta ti kohamba: “Inda u ka ninge ashishe shi li momutima woye, osheshi Omwene oku li pamwe naave.

JOB 31:25

ngeenge nda hafifwa kehapupalo lemona lange neke lange eshi la likola shihapu,

EXODUS 4:8

Ndele Kalunga okwa ti vali: “Ngeenge itave ku itavele noitava udu molwedidiliko lotete, opo nee tava itavele molwedidiliko laxuuninwa.

OMUUDIFI 9:10

Longa ashishe to shi dulu neenghono doye, osheshi moshovafi omu to i, kamu na nande oshilonga, ediladilo neshiivo ile ounongo.

JESAJA 7:14

Onghee hano Omwene ote mu pe edidiliko: Tala, okakadona otaka ka ninga kafimba, ndele taka dala omona okamati, ndele te ka luku Immanuel.

MATEUS 1:23

“Tala, okakadona taka ningi oufimba, ndele taka dala okamati, edina lako nali lukwe Immanuel,” olo tali ti: Kalunga pamwe nafye.

MATEUS 28:20

noku va longa okudiinina aishe ei nde i mu lombwela. Ndele tala, Ame ondi li pamwe nanye omafiku aeshe, fiyo okexulilo lefimbo lounyuni.”

LUKAS 2:12

Nedidiliko mu mu koneke oleli: otamu ka mona okaana ka tonyenwa momalapi, ndele taka nangekwa mepeta lokulila oimuna.”

JOHANNES 6:14

Opo ovanhu eshi va mona oshikumwifalonga eshi Jesus e shi ninga, ova tya: “Ou oshili omuxunganeki winya kwa li e nokuuya mounyuni.”

DEUTERONOMION 20:1

“Ove ngeenge to ka homona koita okulwifa omutondadi woye ndele to mono eenghambe nomatemba oita, novanhu vahapu ve ku dule, ino va tila. Osheshi Omwene Kalunga koye, e ku pitifa mo medu laEgipiti, e li pamwe naave.

OVAHEBERI 13:5

Mokukala kweni kaleni muhe nolwisho. Eshi mu shi kwete nashi mu wanene, osheshi Ye okwa tya: “Ame ihandi ku efa noitandi ku fii po nande.”

JOSUA 1:5

Kape nomunhu ta dulu okulipopila koshipala shoye momafiku aeshe omokukala kwoye. Ngaashi Ame nda kala naMoses, osho Ame ohandi ka kala naave. Ame itandi ku efa ndele itandi ku fii po.

JOSUA 1:9

Ame inandi shi ku lombwela hamba: kala wa pama ndele nyatipala? Ino tila ndele ino haluka, osheshi Omwene Kalunga koye oku li naave keshe apa to i.”

OVATOKOLIPANGELI 6:12

Nomweengeli wOmwene okwe mu holokela ndele ta ti kuye: “Omwene oku li pamwe naave, omukwanyati omuladi!”

OVATOKOLIPANGELI 9:33

Opo nee etango ngeenge tali piti ove to dulu, ongula inene, okufikama nokuhomona oshilando. Ndele ye nomatanga aye aa e li puye taa piti mo taa i kwoove, mu ningila ngaashi she ku wapalela.”

1 SAMUEL 2:34

Ndele edidiliko loinima ei oleli: ovana voye ovamati vavali, Hofni naPinehas, tava ka fya mefiku limwe alike.

1 SAMUEL 20:13

Omwene na ningile Jonatan shonhumba noshongadi ame ngeenge itandi shi ku hololele ngeno noku ku lekela u shiive okuya nombili, tate ngeenge te ku halele owii. NOmwene na kale naave ngaashi a kala natate.

1 SAMUEL 3:19

Ndele Samuel okwa kula, nOmwene a kala naye. Ndele ye ina efa nande ondjovo imwe yomeendjovo adishe i wile poshi.