1 SAMUEL 10:21 - Ombibeli Iyapuki

²¹ Ndele ye eshi a ehenifa po epata laBenjamin pamaludi alo, oshihoololifo sha kwata po oludi laMatri. Opo nee Saul yaKis a kwatwa po koshihoololifo. Ndele vo ove mu konga, ndelenee ye ina monika.

1 SAMUEL 10:21 ပူးပေါင်းရင်းမြစ်များ

2 SAMUEL 3:19

Ndele Abner okwa popya yo momatwi Ovabenjamin. Ndele Abner okwa ya yo kuHebron nokwa popya momatwi aDavid ashishe osho sha li shiwa momesho Ovaisraeli nomomesho epata alishe laBenjamin.

OMAYELETUMBULO 18:18

Oshihoololifo tashi lotifa eemhata ndele tashi tokola pokati kovanaenghono.

JONA 1:7

Vo ova popyafana tava ti: “Ileni fye tu ningile oshihoololifo tu shiive omupya u fike apa we tu hanga molwalyelye!” Ndele vo ova ningila oshihoololifo, noshihoololifo sha kwata Jona.

OILONGA YOVAYAPOSTOLI 13:21

Ndele opo nee vo ve lihalela ohamba, ndele Kalunga okwe va pa Saul, omona waKis, omulumenhu womepata laBenjamin. Osho ngaha pa pita omido omilongo ine.

1 SAMUEL 10:20

Samuel eshi a ehenifa po omapata aeshe aIsrael, oshihoololifo sha kwata po epata laBenjamin.

1 SAMUEL 10:22

Opo nee va pula vali kOmwene tava ti: “Umwe okwe uya po vali?” NOmwene ta ti: “Tala, ye okwa hondama pokati komatemba eenghutwa.”

1 SAMUEL 9:2

Ndele ye okwa li e nomona omumati, edina laye Saul, omulumenhu omunyasha, muwa kolutu, heeno, mokati kovana vaIsrael inamu monika nande umwe e mu dule mouwa. Oule waye okudja komapepe aye, wa li u dule ovanhu aveshe.