1 SAMUEL 10:20 - Ombibeli Iyapuki

²⁰ Samuel eshi a ehenifa po omapata aeshe aIsrael, oshihoololifo sha kwata po epata laBenjamin.

1 SAMUEL 10:20 ပူးပေါင်းရင်းမြစ်များ

2 SAMUEL 3:19

Ndele Abner okwa popya yo momatwi Ovabenjamin. Ndele Abner okwa ya yo kuHebron nokwa popya momatwi aDavid ashishe osho sha li shiwa momesho Ovaisraeli nomomesho epata alishe laBenjamin.

JONA 1:7

Vo ova popyafana tava ti: “Ileni fye tu ningile oshihoololifo tu shiive omupya u fike apa we tu hanga molwalyelye!” Ndele vo ova ningila oshihoololifo, noshihoololifo sha kwata Jona.

DEUTERONOMION 33:12

Okwa tonga Benjamin, ndele ta ti: “Omuholike wOmwene ta ka kala e nombili puye. Ye ote mu amene mefiku alishe ndele ta ka kala pokati keemhunda daye.”

1 SAMUEL 10:19

Ndelenee nena eli tamu ekeleshi Kalunga keni, ou e mu xupifa mo moiponga yeni aishe nomomahepeko, ndele tamu ti: Ahowe, ove u noku tu pa ohamba, oyo tai tu pangele. Kaleni hano ofika koshipala shOmwene pamapata eni nopamaludi eni.

1 SAMUEL 10:21

Ndele ye eshi a ehenifa po epata laBenjamin pamaludi alo, oshihoololifo sha kwata po oludi laMatri. Opo nee Saul yaKis a kwatwa po koshihoololifo. Ndele vo ove mu konga, ndelenee ye ina monika.

1 SAMUEL 14:38

Ndele Saul ta ti: “Ileni oku ovakulunhu nye amushe vovanhu, mu pulapule nokutala olyelye a nyona.

1 SAMUEL 14:41

Opo nee Saul ta ti: “Omwene Kalunga kaIsrael, omolwashike ino nyamukula omupiya woye nena? Omwene, Kalunga kaIsrael, nyamukule nge momamanya mayapuki. Ngeenge oushima ou li mwaame ile omomumwange Jonatan, nyamukule nge muUrim; ndelenee ngeenge oushima ou li movanhu voye Ovaisraeli, nyamukula muTummim.” Jonatan naSaul va ulikwa ndele ovanhu ova ya.