1 SAMUEL 1:8 - Ombibeli Iyapuki

⁸ Nomulumenhu waye Elkana okwe mu lombwela: “Hanna, oto lilile shike ndele ito li sha? Nomolwashike omwenyo woye tau nyika oluhodi? Haame ngeno ndi dule ovamati omulongo?”

1 SAMUEL 1:8 ပူးပေါင်းရင်းမြစ်များ

2 EEHAMBA 8:12

Opo nee Hasael ta ti: “Omolwashike omwene wange ta lili?” Ndele ye ta nyamukula: “Osheshi ame ndi shi shii owii u fike peni ove oto ka ningila ovana vaIsrael. Ove oto ka xwika po eehotengulu davo nokudipaa ovamati vavo neongamukonda nokutyanghaula ounona vavo vanini nokutanda ovalikadi vafimba.”

JOB 6:14

“Okaume e nokufila onghenda ou ehe nekwafo, nande a kale a efa etilo lokutila Omunaenghono adishe.

OMAPSALOME 43:4

ame ndi fike koaltari yaKalunga, kuKalunga kekaluko lange, nondi pandule, Kalunga, ndi ku shikile okaxumbafeta, naKalunga kange!

JESAJA 54:1

Kuwilila, oove ongadji ou ino dala, kuwilila pombada ove u hafe, ove ou iho fetwa. Osheshi ounona vomunangekwa ovahapu, ve dule ovana vomuhombolwa Omwene ta ti.

JESAJA 54:6

Osheshi ngaashi omukainhu okwa hengwa nokwa nyika oufiye, Omwene okwe ku ifana. Nongaashi omukainhu womounyashele, ou a li a dinika. Kalunga koye osho ta ti.

JOHANNES 20:13

Ndele va tya kuye: “Omukainhu, oto lilile shike?” Ye okwa tya kuvo: “Osheshi va kufa mo Omwene wange, ndele nghi shii apa ve mu tula.”

JOHANNES 20:15

Jesus ta ti kuye: “Omukainhu, oto lilile shike? Olyelye to mu kongo?” Winya okwa li e shii oye omukeleli wepya, ndele ta ti kuye: “Omwene, ngeenge oove we mu kufa mo, lombwele nge apa we mu tula, ndi ke mu tale ko.”

1 OVATESSALONIKI 5:14

Ohatu mu kumaida, ovamwatate, hanyeneni ava vehe neenghedi, ovambada va tweni ouladi, yakuleni oingone, aveshe va taleni onheni.

RUT 4:15

Ye ote ke ku hekeleka ndele ta ningi omuyambididi woye moukulupe woye. Osheshi oshitenya shoye, oshi ku hole, sha dala, ou e ku wapalela, e dule ovamati vaheyali.

1 SAMUEL 1:7

Nosho ngaha sha ningwa omudo nomudo, ye eshi a ya kongulu yOmwene. Osho ngaha winya e mu handukifa, onghee Hanna a lila ndele ina hala okulya sha.