1 SAMUEL 1:5 - Ombibeli Iyapuki

⁵ Ndelenee okwa yandja kuHanna luvali oitukulwa, osheshi okwa li e hole Hanna. Ndelenee Omwene okwa fitika po oshidalelo shaye.

1 SAMUEL 1:5 ပူးပေါင်းရင်းမြစ်များ

GENESIS 11:30

Ndele Sarai okwa li ongadji, iha dala.

GENESIS 16:1

Ndele Sarai, omwalikadi waAbram, ine mu dalela ounona. Ndele ye okwa li e na omupika Omuegipiti, edina laye Hagar.

GENESIS 20:18

Osheshi Omwene okwa fitikile oshidalelo keshe meumbo laAbimelek molwaSara, omwalikadi waAbraham.

GENESIS 30:1

Ndele Rakel eshi a mona nokutya, ye ita dalele Jakob ounona, okwa twila mumwaina ondubo ndele ta lombwele Jakob: “Pe nge oludalo, ngeenge hasho ohandi fi.”

GENESIS 30:2

Opo nee Jakob okwa handukila Rakel ndele ta pula: “Ame omuponhele waKalunga mbela, ou ine ku pa oludalo?”

GENESIS 43:34

Ye okwa lombwela, va pewe eendja dokoshililo shaye. Ndelenee Benjamin okwa pewa eendja dihapu di dule lutano dinya davakwao aveshe. Ndele vo ova nwa pamwe naye nova hafa.

GENESIS 45:22

Ye okwe va pa aveshe, omulumenhu nomulumenhu, oshikutu shipe, ndelenee okwa pa Benjamin eesekeli omafele atatu doshisiliveli noikutu ipe itano.

DEUTERONOMION 21:15

“Omulumenhu ngeenge e novalikadi vavali, umwe ou e holike kuye nomukwao ehe mu hole, ndele vo tave mu dalele ovana ovamati. Omwalikadi ou e holike kuye, na winya ehe mu hole, noshiveli oshomukainhu ou ehe holike.