1 SAMUEL 1:22 - Ombibeli Iyapuki

²² Hanna ina ya ko. Ndelenee ye okwa lombwela omulumenhu waye: “Okaana okamati ngeenge ka tova, ohandi ke ka twala ko, opo ka holoke koshipala shOmwene nokukala ko efimbo alishe.”

1 SAMUEL 1:22 ပူးပေါင်းရင်းမြစ်များ

OMAPSALOME 110:4

Omwene okwa ana, ndele ite shi lundulula: “Oove omupristeli fiyo alushe opanghedi yaMelkisedek.”

OMAPSALOME 23:6

Heeno, ouwa nefilonghenda, oyo otai shikula nge omafiku ange aeshe, ndele ohandi kala mo fiyo alushe meumbo lOmwene.

OMAPSALOME 27:4

Shimwe ashike onde shi ehela kOmwene, nde shi hala unene: ngeno ame ndi kale mongulu yOmwene omafiku ange aeshe, okutala ouwanyenye wOmwene, ndi lishipulule nawa motembeli yaye.

EXODUS 21:6

opo nee omwene waye ne mu twale kovatokoli veendjovo noku mu kaleka ofika ngeenge poshivelo ile polumhango loshivelo, nomwene waye na tyuule okutwi kwaye nonhisho, ndele ye na kale alushe omupika waye.

JESAJA 9:7

Epangelo laye tali ningi linene, nombili itai xulu po okolukalwapangelo laDavid nomouhamba waye, opo Ye e u kanghameke noku u pameka netokolo nouyuki okefiku eli nofiyo alushe. Ouladi waKalunga, Omwene womatanga ovakwaita otau ke shi ninga.

LEVITIKUS 25:23

“Edu yo itali landwa po fiyo alushe, osheshi edu olange, nye ovanailongo novaidililwa pwaame.

LUKAS 2:22

Nomafiku avo elikosho opamhango yaMoses eshi a wana, ove ka twala kuJerusalem, ve ka twale koshipala shOmwene;

DEUTERONOMION 16:16

“Lutatu momudo keshe ovalumenhu voye aveshe ve nokuholoka koshipala shOmwene Kalunga koye monhele tuu oyo Ye e nokuhoolola: koshivilo shomungome uhe nonhafi nokoshivilo shoshivike nokoshivilo shomatwali. Ndele vo vehe uye hamakasha koshipala shOmwene.

JOSUA 4:7

Nye mu noku va lombwela: Osheshi omeva aJordan a tukuka komesho yoshikefa shehangano lOmwene mokutauluka kwasho Jordan, omeva aJordan a tukuka. Onghee hano omamanya aa a ninga edidiliko kovana vaIsrael fiyo alushe.”

1 SAMUEL 1:11

Ndele ye okwa udaneka eudaneko ndele ta ti: “Omwene womatanga ovakwaita, Ove ngeenge to tale oluhepo lomupiya woye omukainhu, ndele to dimbulukwa nge, ndele ito dimbwa omupiya woye omukainhu, ndele to yandje komupiya woye omukainhu okaana okalume, opo nee ame ohandi ke ka yandja kOmwene ka ninge kOmwene omafiku aeshe omokukala kwako. Noshimbi itashi ke uya komutwe wako.”

1 SAMUEL 1:28

Onghee hano nda hala yo oku ka yandja kOmwene omafiku aeshe okukala kwako. Naka kale ka yandjelwa Omwene. Ndele oko vo va ilikana Omwene.

1 SAMUEL 13:13

Opo nee Samuel ta ti kuSaul: “Owa ninga nai. Ino diinina oshipango shOmwene Kalunga koye, osho Ye e shi ku lombwela. Osheshi ngeno hasho, ngeno Kalunga a pameka ouhamba woye muIsrael fiyo alushe.

1 SAMUEL 2:11

Opo nee Elkana okwa ya keumbo laye mu Rama, fimbo okaana okamati ka kala pomupristeli Eli, okulongela Omwene.

1 SAMUEL 2:18

Ndelenee okamati Samuel ka yakula moilonga koshipala shOmwene, ndele ka li ka djala oshikutu shokomapepe sholiina.

1 SAMUEL 28:2

Opo nee David ta ti kuAkis: “Eewa, ove u shi shii, omupiya woye, eshi ye te ke shi ninga.” Ndele Akis ta ti kuDavid: “Ame ohandi ku ningi omukulunhu wongudu yovanangeli vange fiyo alushe.”

1 SAMUEL 3:1

Ndele omumati Samuel okwa longela Omwene kokuulikilwa kuEli. Neendjovo dOmwene oda li da pumba pomafiku enya. Kakwa li omamoniko mahapu.