1 SAMUEL 1:10 - Ombibeli Iyapuki

¹⁰ Nokwa ilikana Omwene mouyehame ulula nokwa lila nokulililila.

1 SAMUEL 1:10 ပူးပေါင်းရင်းမြစ်များ

GENESIS 30:1

Ndele Rakel eshi a mona nokutya, ye ita dalele Jakob ounona, okwa twila mumwaina ondubo ndele ta lombwele Jakob: “Pe nge oludalo, ngeenge hasho ohandi fi.”

GENESIS 50:10

Ndele vo eshi va fika kuGoren-Atad, ei i li koushilo waJordan, ova ninga oshivilo shinene sheefya, ndele va lila eefya dinene. Ndele ye okwe va lombwela eefya daxe di lilwe omafiku aheyali.

2 SAMUEL 13:36

Ndele naanaa eshi a xulifa okupopya, ovana ovamati vohamba ve uya va yelula ondaka yavo ndele tava lili. Nohamba yo novapiya vayo aveshe va lila nokulililila.

2 SAMUEL 17:8

Husai okwa tya vali: “Ove u shi shii nokutya, xo novalumenhu vaye vo ovaladi, ndele ve neemwenyo di nehandu ngaashi emwangha la kufwa oumwanghona valo mofuka. Navali: Xo omukwaitelela, ye novakwaita vaye itava tulumukwa oufiku.

2 EEHAMBA 20:3

“Akutu Omwene, dimbulukwa nhumbi nda kala nokweenda koshipala shoye moudiinini nomutima aushe, ndele nda ninga osho sha wapalela omesho oye.” Ndele Hiskia okwa lila unene.

JOB 10:1

“Ame ohandi nyonyodola okukalamwenyo kwange. Onda hala, okukema kwange ku udike. Nda hala okupopya mouyehame wokomwenyo,

JOB 7:11

“Nosho naame yo ihandi ka kelela okanya kange, ame nda hala okupopya mefininiko lomhepo yange, ame nda hala okukema moululu womwenyo wange.

JOB 9:18

Ye ita itavelele nge okufudifa nande omufudo, ndelenee ta yadifa nge nouyehame ulula.

OMAPSALOME 50:15

nomefiku loudjuu woye ifane nge, nonda hala oku ku kwafa, ndele ove oto ka fimaneka nge.”

OMAPSALOME 91:15

Ngeenge ta ifana nge, Ame ohandi mu udu; ohandi liameke kuye moudjuu waye, Ame ndi mu mangulule mo, nohandi mu fimanekifa.

OMAYELETUMBULO 14:10

Omutima tau shiiva oluhodi lao vene, ndele mehafo lao omukwao ita dulu okunyakukwa.

JESAJA 38:15

Ondi popye shike? Ye okwa popya, ndele okwe shi wanifa yo. Ame ohandi ka enda melimweneneno momido dange adishe molwouyehame womwenyo wange.

JESAJA 54:6

Osheshi ngaashi omukainhu okwa hengwa nokwa nyika oufiye, Omwene okwe ku ifana. Nongaashi omukainhu womounyashele, ou a li a dinika. Kalunga koye osho ta ti.

JEREMIA 13:17

Ndelenee ngeenge itamu di udu odo, ope nee omwenyo wange otau kala nokulila meholeko molwelinenepeko li fike opo, tau lili shili nomahodi otaa tondoka momesho ange, osheshi oshiwana shOmwene otashi ka twalwa moupika.

JEREMIA 22:10

Inamu lila onakufya, nye inamu lila eenghali, ndelenee lileni ou ta tembuka mo, ta i, osheshi ke na vali apa ta ka alukila mo, ye ita ka mona vali oshilongo shedalo laye.

OMAIMBILOKEMO 3:15

Oye okwa kutifa nge noinima ilula nokwa nwefa nge edimba.

LUKAS 22:44

Ndele eshi a ya mo mekondjo loudjuu womwenyo, okwe liweda okwiindila unene. Noshinhwi shaye sha ndodela poshi nosha li sha fomata ohonde.

OVAHEBERI 5:7

Jesus a yandja pomafiku aye omombelela omayambo omaindilo nomailikano nokukuwa pombada nomahodi kwaau ta dulu oku mu xupifa mefyo, nokwa udika omolwetilokalunga.

OVATOKOLIPANGELI 21:2

Novakwaita eshi ve uya muBetel, va kala ko fiyo onguloshi koshipala shaKalunga, ndele tava yelula ondaka yavo nokulila unene

RUT 1:20

Opo nee ye okwe va nyamukula ta ti: “Inamu ifana nge Naomi, ndelenee ifaneni nge Mara, osheshi Omunaenghono adishe a ningila nge oululu uhapu.

1 SAMUEL 1:11

Ndele ye okwa udaneka eudaneko ndele ta ti: “Omwene womatanga ovakwaita, Ove ngeenge to tale oluhepo lomupiya woye omukainhu, ndele to dimbulukwa nge, ndele ito dimbwa omupiya woye omukainhu, ndele to yandje komupiya woye omukainhu okaana okalume, opo nee ame ohandi ke ka yandja kOmwene ka ninge kOmwene omafiku aeshe omokukala kwako. Noshimbi itashi ke uya komutwe wako.”

1 SAMUEL 1:9

Opo nee Hanna okwa fikama, vo eshi va lya nova nwa muSilo, fimbo omupristeli Eli a li omutumba kolukalwa laye poshivelo shotembeli yOmwene.