1 PETRUS 4:3 - Ombibeli Iyapuki

³ osheshi osha wana eshi mwa wanifa ehalo lovapaani mefimbo eli la pita, eshi mwa li mwa kala moluhaelo, momalwisho, moukolwe, moivilo youfiku, moufukenhu woikunwa nomoixuna yokulongela oikalunga.

1 PETRUS 4:3 ပူးပေါင်းရင်းမြစ်များ

2 SAMUEL 13:28

Ndele Absalom okwa lombwela ovapiya vaye ndele ta ti: “Taleni, omutima waAmnon eshi wa hafifwa komaviinyu ndele ame ohandi mu lombwele: Dipaeni Amnon! Opo nee mu noku mu dipaa. Inamu tila, osheshi ame nde shi mu lombwela. Kaleni mwa pama, ovalumenhwelela!”

1 EEHAMBA 21:26

Ye okwa ninga shili oixuna, eshi a ka shikula oihongwakalunga, ngaashi Ovaamori va ninga, ovo va tewa kOmwene komesho yOvaisraeli.

2 OMAFIMBO 15:8

Ndele Asa eshi a uda eendjovo edi nexunganeko laAsaria yaOded, ye e di popya, okwe liladipaleka nokwa hanauna po oitondifa yomoshilongo ashishe shaJuda noshaBenjamin nomoilando oyo yokeemhunda daEfraim, ye e i nangala. Noaltari yOmwene oyo ya li komesho yolupale, okwe i tungulula.

JESAJA 28:7

Naava yo tava i oshidungwe komaviinyu, noikolwifa tai va pungaukifa, omupristeli nomuxunganeki otava i oshindungwe koikolwifa, omaviinyu e va etela oshitelele, ova pungaukifwa koikolwifa. Otava puka momamoniko, ndele tava i pomunghulo mokutokola.

JESAJA 5:11

Woo, ava hava meneka ongula inene ve lilongekidile ondala, ndele tava xungilile omaviinyu e va pupyaleke.

JESAJA 65:4

ohava kala omutumba meembila, nohava nangala meenhele da hondama, ohava li ombelela yoshingulu, nomunghoka woixuna u li momatiti avo,

JEREMIA 16:11

Opo nee va lombwela u tye: Osheshi ooxokulu ove liteeka nge, Omwene osho ta ti, nova shikula oikalunga nove i fimaneka nokulinyongamena kuyo, ndelenee va ekelashi nge, ndele inava diinina omhango yange.

JEREMIA 16:18

Ndele tete ohandi ke va handukilila luvali omanyono avo nomatimba avo, osheshi ova nyateka edu lange noimhu yoixuna yavo, nefyuululo lange ove li yadifa oixuna.

HESEKIEL 44:6

Ndele lombwela ovanandubo nokutya, eumbo laIsrael, u tye: Omwene Kalunga osho ta ti: Oixuna yeni ya wana, akutu, oove eumbo laIsrael.

HESEKIEL 45:9

Omwene Kalunga ta ti ngaha: “Sha wana, nye eehamba daIsrael! Efeni enyeko nefininiko, diinineni etokolo la yuka nouyuki. Efeni okutaataa mo ovanhu vange momapya avo, Omwene Kalunga ta ti.

MARKUS 7:22

enyono lohombo, olwisho, onyanya, ekotokelo, oihole, efupa, eshekokalunga, elinenepeko, oupwidi.

OILONGA YOVAYAPOSTOLI 17:30

Kalunga okwe lididimikila omafimbo enya okuhashiiva, ndele paife eshi ta lombwele ovanhu aveshe naakushe, ve nokulidilulula,

OVAROMA 13:13

Tu endeni paenghedi ngaashi momutenya, hamoufukulume woivilo nomoukolwe, hamomahaelo nomoihole, hamokukondjifafana nomefupa.

1 OVAKORINTO 12:2

Omu shi shii, onye eshi mwa li ovapaani, omwa twalwa koikalunga ihai popi, muhe neanyo.

1 OVAKORINTO 6:11

Ndele omwa li mu li ngaha, vamwe vomunye; ndelenee nye mwe liyelifa, mwa yapulwa nomwa yukipalifwa medina lOmwene Jesus Kristus nokOmhepo yaKalunga ketu.

2 OVAKORINTO 12:21

opo paha ningwe, nge handi uya ko, Kalunga kange ta ninipike nge vali punye, nondi nokunyika oluhodi omolwavahapu, ovo va nyona nale inave lidilulula monyata nomoluhaelo nomoumbudi woipala ei ve i longa.

OVAGALATI 5:19

Ndele oilonga yombelela i li poluhaela, oyo ei: oluhaelo, oihole, onyata, okukalela olwisho loipala,

OVAGALATI 5:21

efupa, omadipao, oukolwe, eenhingo naikwao ya fa ei, nda tetekela oku i mu lombwela, ngaashi nde mu lombwelele, kutya ava tava longo oilonga ya tya ngaha, itava ka fyuulula ouhamba waKalunga.

OVAEFESO 5:18

Inamu kolwa komaviinyu omo hamu di eliefo, ndelenee yadifweni kOmhepo;

1 OVATESSALONIKI 4:5

hamolwisho louhalu, ngaashi ovapaani ava inava shiiva Kalunga;

TITUS 3:3

Osheshi nafye yo nale otwa li tuhe neendunge, fye inatu dulika, otwa li twa puka notwa li ovapika vouhalu u lili nou lili, fye twa kala mowii nomefupandubo ndele twa li twa tondwa ndele twa tondafana.

1 PETRUS 1:14

Ngaashi ovana hava dulika, mokukala kweni inamu shikula vali omauhalu mwe a wanifa nale mokuhashiiva kweni.

JUDAS 1:4

Osheshi oku novanhu vamwe ve livakela mo meongalo leni, ava va shangelwa nale etokolo eli, ovahenakalunga, efilonghenda laKalunga ketu otave li pilike pailonga yavo youhalu ndele tave likale Jesus Kristus, ou Omupangeli nOmwene wetu umwe aeke.