1 JOHANNES 4:2 - Ombibeli Iyapuki

² Omhepo yaKalunga omwe i shiiva: keshe omhepo tai hepaulula Jesus Kristus kutya, e uya mombelela oyo yomuKalunga;

1 JOHANNES 4:2 ပူးပေါင်းရင်းမြစ်များ

1 OVAKORINTO 12:3

Onghee hano ohandi mu shiivifile, kape na ou ta popi mOmhepo yaKalunga ndele ta ti: “Jesus na fingwe,” ndele kape na ou ta dulu okutya: “Jesus Oye Omwene,” okuninga ta popifwa kOmhepo Iyapuki.

JOHANNES 1:14

Nondjovo ya ninga omunhu. Ye okwa kala mokati ketu, ndele fye twa tala oshinge shaye, oshinge tuu osho shEwifa laxe, okwa yada efilonghenda noshili.

1 TIMOTEUS 3:16

Nosha shiivika nawa shili nokutya, oshiholekwa shelao lomuKalunga osho oshinene: Kalunga a holoka mombelela, okwa yukipalifwa mOmhepo, okwa monika kovaengeli, okwa udifilwa mokati koiwana, okwa itavelwa mounyuni, okwa tambulwa mefimano.

1 JOHANNES 5:1

Keshe tuu ou ha itavele nokutya, Jesus Oye Kristus, oye a dalwa muKalunga; ndele keshe ou e hole ou e mu dala, oye e hole yo ou a dalwa kuye.

1 JOHANNES 4:3

ndele keshe omhepo itai hepaulula Jesus Kristus, oyo inai dja muKalunga; oyo omhepo yaantikristus, oye ou mwe mu uda te uya, oye oku li paife nokuli mounyuni.

1 JOHANNES 2:23

Keshe ou te likale Omona, naXe ke mu na yo. Ndele ou ta hepaulula Omona, oye e na yo Xe.

1 JOHANNES 1:2

nomwenyo owa holoka notwe u mona nohatu hepaulula noku mu udifila omwenyo ou waalushe wa li puXe ndele owe tu hololelwa,

1 JOHANNES 4:15

Ndele ou ta hepaulula Jesus Oye Omona waKalunga, Kalunga ota kala muye naye muKalunga.

2 JOHANNES 1:7

Osheshi ovahongauli vahapu ova ya nounyuni, ovovo ihava hepaulula Jesus Kristus, Oye ou kwa li e nokuuya mombelela. Omunhu e li ngaha oye omuhongauli munene naantikristus.