1 EEHAMBA 9:8 - Ombibeli Iyapuki

⁸ Nongulu ei otai hanaunwa, po ndelenee keshe umwe ta ende po puyo, ota ka haluka shili nokushika omwiilwa, ndelenee tava ka pula: ‘Omolwashike Omwene a ningila ngaha edu eli notembeli ei?’

1 EEHAMBA 9:8 ပူးပေါင်းရင်းမြစ်များ

2 EEHAMBA 22:17

Shaashi ve liteeka nge ndele va twimina oikalunga imwe, va handukifa nge noilonga aishe yomake avo. Onghee hano oupyuhandu wange tau ka xwamena onhele ei, ndele itau ka dima.

2 EEHAMBA 25:9

Nokwa xwika po ongulu yOmwene nongulu yohamba. Nosho yo eengulu adishe domuJerusalem, heeno, ongulu keshe inene okwe i xwika po nomundilo.

2 OMAFIMBO 29:8

Onghee hano ehandu lOmwene le uya kombada yaJuda noyaJerusalem nokwe va ninga etilifo noshikumwifa nesheko ngaashi mu shi wete nomesho eni vene.

2 OMAFIMBO 36:19

Ndele va xwika po ongulu yaKalunga ndele va ngumauna po ohotekuma yaJerusalem neengulu adishe doipuna domusho ve di xwika po nomundilo, noinima aishe iwa i nondilo ya hanaunwa po.

2 OMAFIMBO 7:21

Nopongulu tuu ei ya li ya tumbala, keshe umwe ta ende po, ota ka tumhauka omaxwilili ndele ta pula: ‘Omolwashike Omwene a ningila oshilongo eshi nongulu ei ngaha?’

JESAJA 64:11

Otembeli yetu iyapuki noya fimana, omo ootate ve ku hambelelela mo, oya lungwina komundilo, noinima yetu aishe ya fimana oya ninga onduba yomakuma.

JEREMIA 16:10

Ndele tapa ningi, ngeenge ove to shiivifile oshiwana eshi eendjovo adishe edi, ndele ovanhu tave ku lombwele: Omolwashike Omwene e tu xunganekela oiponga aishe ei inene? Okunyona kwetu kulipi nomatimba etu elipi, oo twa nyona kOmwene, Kalunga ketu?

JEREMIA 18:16

osho edu lasho otashi li ningi oixuna, la ninga loiyolifa yongaho fiyo alushe, opo keshe ou ta pitilile po ota kumwa ndele ta pukapuka komutwe.

JEREMIA 19:8

noshilando tuu eshi ohandi ke shi ninga ehalufo longaho noshiyolifa. Keshe ou ta ende po ote shi halukile note ke shi shikila omwilwa omolwoiponga yasho aishe.

JEREMIA 22:28

Omulumenhu ou Konja okwa kala mbela a dinika ngaashi oshitoo sha tatuka, ile ngaashi oshinima inashi halika kovanhu? Oshike hano ye mwene noludalo laye va ekelwashi nova kupulwa moshilongo vehe shi shii.

JEREMIA 25:9

onghee ohandi ifana ko nohandi ka eta ko oiwana aishe yokoumbangalanhu, Omwene ta ti, nomupiya wange Nebukadnesar, ohamba yaBabilon, ndele handi ke va pumifila moshilongo eshi noonakukalamo, noiwana aishe yomoushiinda. Ndele handi ke va yandja kokufingwa ndele tava ningi oshitilifa shongaho noiyolifa nonduba yomakulukuma fiyo alushe.

JEREMIA 44:8

Osheshi otamu handukifa nge noilonga yomake eni nokuxwikila oikalunga imwe omayambo moshilongo shaEgipiti oko mwe uya ko mu ka kale ovanailongo nosho ngaha tamu lishilile okunyonwa po, ndele tamu ningi ondjovo yefingano noyesheko mokati koiwana aishe yokombada yedu.

JEREMIA 49:17

Osho ngaha Edom otashi ka ninga oshitilifa, keshe ou ta ende po, ota haluka ndele ta shikile omahepeko asho aeshe omwilwa.

JEREMIA 5:19

Ndele ngeenge tamu pula: Kalunga ketu okwe tu ningila shike ngaha? Opo nee va lombwela u tye: “Ngaashi nye mwe liteeka nge nomwa fimaneka oikalunga yovanailongo medu leni, osho yo mu nokulongela ovanailongo medu lihe fi leni.”

JEREMIA 50:13

Molwehandu lOmwene otashi ka kala shihe na nande omunhu, ndelenee ofuka yongaho. Keshe ou ta ende po puBabilon, ota haluka ashike ndele ta shikile oiponga yasho omwilwa.

JEREMIA 52:13

nokwa xwika po ongulu yOmwene nouhamba. Nosho yo eengulu adishe domuJerusalem nakeshe eumbo lakula okwe li xwika po nomundilo.

OMAIMBILOKEMO 2:15

Aveshe ava hava ende nondjila, ohava pandula nomake molwoye, tava shiki omwilwa, ndele tava pukapuka komitwe molwomona okakadona Jerusalem: “Oshilando osho tuu osho ve shi tile: sha wanenena mewapalo, osho ehafo ledu alishe?”

DANIEL 9:12

Ndele eendjovo daye e di tonga kufye nokovatokolindjovo vetu ava ve tu tokola, Ye e di wanifa moku tu tumina omupya munene inau monika koshi yeulu, ngaashi sha ningwa muJerusalem.

DEUTERONOMION 28:37

Ndele ove oto ka ninga oshinima shoixuna noshitevo shodino nomuyolwa mokati koiwana aishe omo Omwene te ke ku twala.

DEUTERONOMION 29:23

heeno, mosulfuri nomongwa, edu alishe eshi la pya, itali kunwa vali ndele itali mene, noimeno itai twiyuka, ngaashi pa li mefimbo linya Sodom naGomorra, Adma naSeboim ya hanaunwa po, Omwene eshi e i hanauna po moupyuhandu waye.