1 EEHAMBA 9:1 - Ombibeli Iyapuki

¹ Salomo eshi a mana okutunga ongulu yOmwene nongulu yohamba naashishe Salomo kwa li a hala okuninga,

1 EEHAMBA 9:1 ပူးပေါင်းရင်းမြစ်များ

1 EEHAMBA 3:1

Ndele Salomo okwa ninga oshitenya shaFarao, ohamba yaEgipiti. Ye okwa hombola omona okakadona kaFarao nokwe ka twala mo moshilando shaDavid fiyo a mana okutunga ongulu yaye mwene notembeli yOmwene nohotekuma ya dingilila Jerusalem.

1 EEHAMBA 6:37

Ekanghameno longulu yOmwene la tungwa momudo omutine mohani yaSif,

1 EEHAMBA 7:1

Ndelenee ongulu yaye mwene Salomo okwe i tunga omido omulongo nanhatu, nokwa mana ongulu aishe.

1 EEHAMBA 7:2

Okwa tunga ongulu yomufitu waLibanon. Oule wayo omaludimbo efele limwe, nounene wayo omaludimbo omilongo nhano, noule wayo wopombada omaludimbo omilongo nhatu. Okwe i tunga kombada yeengudi domisederi da dikilwa omikweyo nhee. Kombada yeengudi da li omandangalati omisederi a hongwa.

1 EEHAMBA 7:51

Ndele ohamba Salomo eshi ya mana oilonga aishe yotembeli, oya tuvikila momalimba otembeli oinima aishe oyo xe David a yapulila Omwene: oisiliveli noingoldo, noinima ikwao.

1 EEHAMBA 8:66

Mefiku etihetatu ye okwa lekela ovanhu, ndele vo ova nangeka noupuna ohamba ndele va ya komatwali avo, nokuhafa nokushambukwa meemwenyo omolwoinima aishe iwa Omwene a ningila omupiya waye David noshiwana shaye Israel.

1 EEHAMBA 9:10

Osha pula Salomo omido omilongo mbali okutunga otembeli nombala yaye.

1 EEHAMBA 9:11

Hiram, ohamba yaTirus ya kwafa Salomo omiti domisederi nomiti dasipresi noshingoldo shihapu shi fike peemhumbwe daye, nohamba Salomo ya yandja kuHiram oilando omilongo mbali moshikandjo shaGalilea.

1 EEHAMBA 9:19

noituvikilolando aishe yaSalomo, noilando yomatemba oita noyovalondi veenghambe neenhele adishe dikwao Salomo okwa li a pondola oku i tunga muJerusalem nomuLibanon nomoshilongo ashishe shomepangelo laye.

2 OMAFIMBO 7:1

Ndele Salomo eshi a xulifa eilikano laye, omundilo wokeulu wa wila poshi, ndele wa lungwinifa exwikiloyambo nomatomenoyambo. Noshinge shOmwene osha yada otembeli;

2 OMAFIMBO 7:11

Ndele Salomo eshi a xulifa ongulu yOmwene nongulu yohamba, naaishe Salomo e i diladila momutima waye oku i longa mongulu yOmwene nomongulu yaye, e i wanifa nawa,

2 OMAFIMBO 8:1

Pexulilo lomido omilongo mbali omo Salomo a tunga otembeli yOmwene nongulu yaye mwene,

2 OMAFIMBO 8:6

Nosho yo Baalat noituvikilolando aishe yaSalomo, noilando yomatemba oita noyovalondi veenghambe neenhele adishe dikwao Salomo okwa pondola oku i tunga muJerusalem nomuLibanon nomoshilongo ashishe shomepangelo laye.

OMUUDIFI 2:10

Ame inandi kelela omesho ange kwaashishe oo e shi hala. Omutima wange inandi u kelela nande ehafo limwe, osheshi omutima wange wa hafela oilonga yange aishe idjuu, ndele osho sha li oshipewa shange shomoilonga yange aishe idjuu.

OMUUDIFI 2:4

Ame nda longa oilonga inene: nde litungila eengulu, nonde likokolela oikokola yomiviinyu.

OMUUDIFI 6:9

Okutala kweisho ku dule okweelaela kwomwenyo. Okwo yo ongahoelela nokushikula ashike omhepo!