1 EEHAMBA 8:3 - Ombibeli Iyapuki

³ Ovawiliki aveshe vaIsrael eshi va ongala muJerusalem, ovapristeli va tumba Oshikefa Shehangano,

1 EEHAMBA 8:3 ပူးပေါင်းရင်းမြစ်များ

2 SAMUEL 6:12

Ndele ohamba David eshi ya shiivifilwa nokutya, Omwene okwa nangeka noupuna eumbo laObed-Edom naashishe shaye omolwoshikefa shaKalunga, David okwa ya nokwa kufa oshikefa shaKalunga meumbo laObed-Edom nokwe shi eta nehafo koshilando shaDavid.

1 EEHAMBA 8:6

Ovapristeli ova twala Oshikefa Shehangano lOmwene monhele yasho molupale lomeni longulu, mOuyapukielela koshi yomavava ovakerubi.

1 OMAFIMBO 15:2

Opo nee David ta ti: “Kaku na umwe ta humbata oshikefa shaKalunga, Ovalevi aveke, osheshi Omwene e va hoololela okuhumbata oshikefa shaKalunga noku mu longela fiyo alushe.”

NUMERI 4:15

Aron novana vaye ovamati ngeenge va mane okutuvika etwali liyapuki noinima aishe yetwali, opo nee ovana ovamati vaKohat nave uye va ka humbate. Ndele vo vaha kume oinima iyapuki, opo vaha fye. Oinima oyo tuu oyo yetwali leongalo ovana ovamati vaKohat ve nokuhumbata.

NUMERI 7:9

Ndelenee ye ina yandja sha kovana ovamati vaKohat, osheshi oshilonga shavo petwali liyapuki osha li okuhumbata komapepe avo oinima yalo.

DEUTERONOMION 31:9

Ndele Moses okwa shangela membo omhango ei, nokwe li yandja kovapristeli, Ovalevi, ava va li ve nokuhumbata oshikefa shehangano lOmwene nokovakulunhu vOvaisraeli.

JOSUA 3:3

ndele va lombwela ovanhu tava ti: “Nye ngeenge tamu mono oshikefa shehangano lOmwene Kalunga keni novapristeli Ovalevi ava tave shi humbata, nye mu nokufikama mu dje meenhele deni noku shi shikula.

JOSUA 3:6

Ndele Josua okwa popya novapristeli ndele ta ti: Tumbeni oshikefa shehangano mu pite komesho yovanhu. Opo nee va kufa oshikefa shehangano ndele va pita komesho yovanhu.

JOSUA 4:9

Josua okwa dika yo mokatielela kaJordan omamanya omulongo naavali monhele apa eemhadi dovapristeli, va humbata oshikefa shehangano, da li ofika. Ndele fiyo onena eli oko e li.

JOSUA 6:6

Opo nee Josua yaNun okwa ifana ovapristeli ndele okwe va lombwela ta ti: “Kufeni oshikefa shehangano, novapristeli vaheyali nava humbate omanghuma aheyali eembinga deedi deemhedi komesho yoshikefa shOmwene.”