1 EEHAMBA 8:12 - Ombibeli Iyapuki

¹² Opo nee Salomo ta ti: “Omwene okwa tula etango keulu, ndelenee a tile kutya, a hala okukala noshiwiwili.

1 EEHAMBA 8:12 ပူးပေါင်းရင်းမြစ်များ

2 SAMUEL 22:10

Ye a nyongameka eulu nokwa kolokela poshi, nomulaulu woilemo wa li koshi yeemhadi daye.

1 EEHAMBA 8:11

Onghee hano ovapristeli inava dula okuwanifa eyakulolonga lavo omolwoshilemo. Osheshi oshinge shOmwene sha yadifa ongulu yOmwene.

NEHEMIA 8:5

Ndele Esra okwa pandja embo moipafi yovanhu aveshe, osheshi ye okwa li a kala ofika a londa e dule ovanhu aveshe. Ndele ye eshi e li pandja, ovanhu aveshe va kala ofika.

OMAPSALOME 97:2

Oilemo nomilaulu otai mu dingilile, ouyuki noshili, oyo efina lolukalwa laye.

EXODUS 20:21

Osho hano ovanhu va kala ofika kokule. Ndelenee Moses okwa ehena komilaulu doshilemo omo mwa li Kalunga.

JESAJA 45:15

Oshili oove Kalunga a hondama, oove Kalunga kaIsrael, oove Omuxupifi.

LEVITIKUS 16:2

nOmwene okwa lombwela Moses ndele ta ti: “Lombwela omumwanyoko Aron nokutya, aha ye mo efimbo keshe monhele iyapuki, nokutya meni loshitukulifoyata koshituviko shekwatakanifo sho shi li koshikefa, opo aha fye, shaashi Ame ohandi holoka moshilemo koshituviko shekwatakanifo.

DEUTERONOMION 4:11

Opo nee mwa ehena po, ndele mwa kala pefina lomhunda. Komhunda kwa kaluka omundilo fiyo opokati keulu, nomilaulu noilemo noshiwiwili shoilemo.

DEUTERONOMION 5:22

“Neendjovo tuu odo Omwene okwa popifa eongalo alishe komhunda momundilo nomoshilemo nomoshiwiwili shoilemo nondaka inene, ndele ina weda ko sha. Ndele Ye e di shangela mo moipelende ivali yomamanya ndele e i pa nge.

OVAHEBERI 12:18

Osheshi nye inamu ehena komhunda hai kumwa nomake nokomundilo wa xwama nokomulaulu woshilemo nokomulaulu nokoshikungulu,