1 EEHAMBA 8:11 - Ombibeli Iyapuki

¹¹ Onghee hano ovapristeli inava dula okuwanifa eyakulolonga lavo omolwoshilemo. Osheshi oshinge shOmwene sha yadifa ongulu yOmwene.

1 EEHAMBA 8:11 ပူးပေါင်းရင်းမြစ်များ

1 EEHAMBA 8:10

Novapristeli eshi va dja mo motembeli, oshilemo sha yadifa ongulu yOmwene.

1 EEHAMBA 8:12

Opo nee Salomo ta ti: “Omwene okwa tula etango keulu, ndelenee a tile kutya, a hala okukala noshiwiwili.

2 OMAFIMBO 5:14

Novapristeli va nyengwa okukala ofika nokuwanifa oshilonga shavo omolwoshilemo, osheshi oshinge shOmwene sha yadifa ongulu yaKalunga.

OMAPSALOME 90:16

Okulonga kwoye, efa ku monike kovapiya voye, noshingetumbalo shoye okoludalo lavo.

EXODUS 29:43

Ndele omo ohandi ka shakena novana vaIsrael, netwali tali ka yapulwa molwoshingefimano shange.

EXODUS 40:34

Opo nee oshilemo sha tuvika etwali leongalo nefimano lOmwene la yadifa etwali liyapuki,

EXODUS 40:35

onghee Moses a nyengwa okuya mo metwali, shaashi oshilemo sha kala kombada yalo nefimano lOmwene la yadifa etwali liyapuki.

JESAJA 6:1

Omudo ohamba Ussia ya fya, onda mona Omwene, a kala omutumba kolukalwapangelo lakula nola yeluka oloshinge, noshikutu shaye osha yadifa otembeli.

HESEKIEL 10:4

Opo oshinge shOmwene sha yeluka sha dja kombada yomukerubi sha ehena lwokoshikulo shoposhi shotembeli. Notembeli oya yadifwa noshilemo nomukala wokomesho u yadi evadimo loshinge shOmwene.

HESEKIEL 43:2

Ndele tala, oshingefimano shaKalunga kaIsrael she uya sha dja kombinga yokoushilo. Ndele oshihomo shasho sha li ngaashi oshihomo shomeva mahapu, nedu ola vema koshingefimano shaye.

HESEKIEL 44:4

Opo nee ye okwa twala nge koshivelo sha taalela koumbangalanhu koshipala shotembeli. Ame onda tala ko, ndele tala: oshingefimano shOmwene sha yadifa otembeli yOmwene. Opo nee ame nda wila poshi.

LEVITIKUS 9:23

Opo nee Moses naAron va ya metwali leongalo. Ndele vo eshi va dja mo, ova nangeka noupuna ovanhu. Nefimano lOmwene ola holokela ovanhu aveshe,

LEVITIKUS 9:6

Ndele Moses okwe va lombwela ta ti: “Oshinima osho tuu eshi Omwene e mu lombwela shi ningwe, opo efimano lOmwene tali dulu oku mu holokela.”

HAGGAI 2:7

Ohandi ka kakamifa yo oiwana aishe, opo omamona oiwana aishe tae ke uya ndele Ame ohandi ka yadifa otembeli ei noshinge, Omwene womatanga ovakwaita ota ti.

JOHANNES 1:14

Nondjovo ya ninga omunhu. Ye okwa kala mokati ketu, ndele fye twa tala oshinge shaye, oshinge tuu osho shEwifa laxe, okwa yada efilonghenda noshili.

OILONGA YOVAYAPOSTOLI 7:55

Ndele ye okwa li e yadi Omhepo Iyapuki, nokwa liyaamena keulu ndele ta mono oshinge shaKalunga naJesus e li ofika kolulyo laKalunga.

OVAROMA 9:4

ovo Ovaisraeli, ovo oonakupewa oudalwa noshinge nomahangano; va pewa omhango, nove nelongelokalunga nomaudaneko;

2 OVAKORINTO 3:18

Ndelenee atushe ava hatu tale noipala ya tuvikululwa oshinge shOmwene, ngaashi moshitengelelo, ohatu shituka tu fe efano tuu olo omoshinge okoshinge, ngaashi Omwene Oye ou Omhepo ta shitulula.

2 OVAKORINTO 4:6

osheshi Kalunga ou a tile: “Ouyelele nau minikile momulaulu, Oye tuu ou a minikila momitima detu,” opo okushiiva kwoshinge shaKalunga ku tandavelife ouyelele, nokutya oshinge tuu osho tashi taima moshipala shaKristus.

EHOLOLO 21:11

Shi noshinge shaKalunga; evilimo lasho la fa emanya li nondilo, ngaashi yaspis tali vilima la fa kristali.

EHOLOLO 21:23

Noshilando eshi inashi pumbwa etango ile ohani oku shi minikila, osheshi oshinge shaKalunga otashi shi minikile, onyika yasho oyo Odjona.