1 EEHAMBA 7:29 - Ombibeli Iyapuki

²⁹ Meenhikifo pokati keengudi mwa fanekwa eenghoshi, neengobe novakerubi. Nosho yo meengudi. Kombada nokoshi yeenghoshi noyeengobe pa li oulenga weenhemo.

1 EEHAMBA 7:29 ပူးပေါင်းရင်းမြစ်များ

EHOLOLO 5:5

Ndelenee umwe womovakulunhu okwa lombwela nge: “Ino lila, tala, onghoshi yomepata laJuda, oshitutumine shaDavid, Oye a findana, onghee a wana okutonyununa omushangwatonywa ou nokumatula oipatifo yao iheyali.”

1 PETRUS 2:5

nanye yo tungweni ngaashi omamanya e nomwenyo, mu ninge eumbo lopamhepo nongudu youpristeli ouyapuki okuyamba omayambo opamhepo a wapalela Kalunga omolwaJesus Kristus.

OVAHEBERI 9:5

nokombada yasho okwa fanekelwa ovakerubi voshinge va tuvika oshituviko shekwatakanifo, oinima ei kai nomhito yokupopiwa paife shimwe nashimwe.

HOSEA 5:14

Osheshi Ame ondi li ngaashi onghoshi kuEfraim, ngaashi onghoshi onyasha keumbo laJuda. Ame, Ame handi hakana, ndele handi i, ohandi kokolola, ndele kape nomuxupifi.

HESEKIEL 10:14

Ndele keshe umwe kwa li e noipala ine: oshipala shotete sha li oshipala shomukerubi, noshipala oshitivali sha li oshipala shomunhu, noshititatu oshipala shonghoshi noshitine oshipala shonhwa.

HESEKIEL 1:10

Ndele oipala yayo ya li ngaashi oshipala shomunhu. Ndele yo aishe ine kolulyo ya li i noshipala shonghoshi, nokolumosho yo aishe ya li i noshipala shongobe. Nosho yo aishe ya li i noshipala shonhwa.

1 EEHAMBA 7:25

Loo ola li la dikwa kombada yeengobe omulongo nambali: nhatu da taalela koumbangalanhu, nanhatu da taalela kouninginino, nanhatu da taalela koumbuwanhu, nanhatu da taalela koushilo, fimbo etemba la li kombada yado. Omakalo okwa ama meni.

1 EEHAMBA 6:27

Nokwa tula ovakerubi mouyapukielela wongulu. Omavava avo a xwaanana; evava laumwe la kuma kekuma, nevava lomukwao la kuma ekuma likwao. Nomavava avo a kumafana opokati kouyapukielela.

EXODUS 37:7

Nokwa ninga yo ovakerubi vavali. Ye okwe va hambula nokutunha, da kala keenhele mbali doshituviko shekwatakanifo.

EXODUS 25:18

Ove u nokuninga yo ovakerubi vavali voshingoldo. U noku va hambula nokutunha, va kalekela eenhele adishe mbali doshituviko shekwatakanifo.

GENESIS 3:24

Osho hano Ye a taataa omunhu ndele ta tula ovakerubi koushilo woshikunino shaEden, ve na omaongamukonda a xwama omundilo taa taima vo va kelele omhito yokuya komuti womwenyo.

1 EEHAMBA 7:28

Nombalisha yokaendifotemba ya ningwa ngaha: oya li i neenhikifo; neenhikifo da kwatakanifilwa neengudi domomakoto.

1 EEHAMBA 7:30

Nokaendifotemba keshe ka li ke nomaulu ane oshikushu neeakseli doshikushu. Nomakoto ako ane a li e nomapepe. Omapepe a nyamininwa koshi yombalisha. Ndele pondje pa li oulenga weenhemo.