1 EEHAMBA 7:16 - Ombibeli Iyapuki

¹⁶ Ndele ye okwa ninga yo omitwe mbali doulenga da tulwa koxulo yeengudi, odo oshilonga shoshikushu sha telekwa monhelekelo. Oule wopombada womutwe umwe wa li omaludimbo atano, noule wopombada womutwe mukwao wa li omaludimbo atano.

1 EEHAMBA 7:16 ပူးပေါင်းရင်းမြစ်များ

1 EEHAMBA 7:15

Ye okwa foroma eengudi odo mbali doshikushu. Oule wopombada wongudi imwe wa li u fike pomaludimbo omulongo naahetatu, nongodi yomaludimbo omulongo naavali ya yeleka ounene wayo.

1 EEHAMBA 7:17

Nokwa ninga eendjadja mbali ngaashi eendjadja deengodi tadi tungwa neengodi da fomalyenge dokudika omitwe odo da li koxulo yeengudi. Eendjadja heyali komutwe umwe, naheyali komutwe mukwao.

EXODUS 36:38

Nokwe shi ningila eengudi nhano noingovekifo yado. Ndele ye okwa vaeka noshingoldo eenhele dayo noumbululu. Noikwatelwamhadi yayo ya li oshikushu.

EXODUS 38:17

Noikwatelwamhadi yeengudi ya li oshikushu, neehake neelinga oda li oshisiliveli, nomitwe deengudi da vaekwa noshisiliveli. Nado vene nokutya, eengudi adishe domehale lokomesho da li di neelinga doshisiliveli.

EXODUS 38:19

Eengudi dasho nhee noikwatelwamhadi yado ine yoshikushu, ndelenee eehake dado da li oshisiliveli, nomitwe deengudi da vaekwa noshisiliveli ngaashi eelinga dado.

EXODUS 38:28

Ndelenee eekilograma omilongo nhatu doshisiliveli e di manena mo meehake deengudi nokwa uvika omitwe dado nokwe di ningila eelinga.

JEREMIA 52:22

Koxulo yayo okwa li oshipaka oshikushu, oule woshipaka shimwe osha li shi fike pomaludimbo atano, nosha dingililwa koshidingo shoshivela shoulenga sha tungwa sha pingakanifwa noiimati yagranat ya dingilila oshipaka. Nosho yo ongudi ikwao ya li i noshipaka shi noiimati yagranat.