1 EEHAMBA 7:14 - Ombibeli Iyapuki

¹⁴ Ye okwa li omona womufiyekadi womuNaftali, naxe okwa li omulumenhu wokuTirus, omuhambwidi woshikushu. Ndele Hiram okwa li e yadi ounongo neendunge nomayele okuninga oinima i lili nai lili yoshikushu. Okwa tambula eshivo lohamba Salomo loku mu hambulila oipumbiwa aishe yoshikushu.

1 EEHAMBA 7:14 ပူးပေါင်းရင်းမြစ်များ

2 OMAFIMBO 2:14

ye omona womwalikadi womovana oukadona vomuDan, ndelenee xe omulumenhu Omutirus, ou a shiiva okulonga oshingoldo noshisiliveli noshikushu noshivela nomamanya nomiti neengodi dapurpuri nodomavala noliina iwa neengodi ditilyana ngaashi ohonde. Nokunyola omafano e lili nae lili nokudiladila oilonga younongo, oyo e i pewa e i longe, pamwe novanongo voye novanongo vomwene wange, xo David.

2 OMAFIMBO 2:6

Ndelenee olyelye ta dulu oku mu tungila ongulu? Osheshi omaulu, heeno, eulu lopombadambada tali nyengwa oku mu kwatela mo. Aame omushike hano? Ndi dule oku mu tungila ongulu, okuyamba ashike omayambo koshipala shaye.

2 OMAFIMBO 4:11

Huram okwa ninga vali eembiya, oixupulo noiyaxa. Osho ngaha hano Huram a wanifa oshilonga osho ye kwa li e noku shi ningila ohamba Salomo mongulu yaKalunga:

2 OMAFIMBO 4:16

neembiya noixupulo neenyala noinima aishe tai longifwa mongulu, Huram Abi okwa ningila ohamba Salomo i longifwe mongulu yOmwene, e i ninga oshikushu sha pundjwa nawa.

EXODUS 28:3

Ove u nokupopya novanongo aveshe, ava Ame nde va yadifa omhepo younongo nokutya, vo va hondjele Aron oikutu oku mu yapulifa, opo ye a shiive okulongela nge moshilonga shoupristeli.

EXODUS 35:30

Opo nee Moses okwa lombwela ovana vaIsrael ndele ta ti: “Taleni, Omwene okwa ifana kedina Besaleel yaUri, omona waHur womepata laJuda,

EXODUS 35:31

ndele Ye okwe mu yadifa nOmhepo yaKalunga nounongo neendunge neshiivo nomayele moilonga i lili nai lili

EXODUS 35:35

Ava okwe va yadifa nounongo okuninga oilonga i lili ei tai ningwa komuhambwidi nokomutungi woiyata yeenhemo nokomuhondji woiyata yomavala, ou ta hodile eengodi domavala nodopurpuri noditilyana da fa ohonde noliina iwa, nokomutungi woiyata vo ava ve nokulonga oilonga aishe nokudiladila omauko ounongo.”

EXODUS 36:1

“Osho ngaha Besaleel naOholiab novanongo aveshe ava va pewa kOmwene ounongo neendunge va shiiva nhumbi oshilonga keshe shometwali sha li shi nokulongwa; nava ninge oilonga aishe naanaa Omwene ngaashi e va lombwela.”

EXODUS 36:8

Osho ngaha hano ovanongo aveshe mokati kovalongi, ova ninga etwali koiyatafaila omulongo ya tungwa noliina iwa yeengodi da poshelwa kumwe neengodi domavala nodopurpuri noditilyana da fa ohonde ya fanekelwa ovakerubi. Ngaashi oshilonga shounongo ve shi ninga.

JESAJA 28:26

Ndele Kalunga kaye okwe mu ulikila nhumbi hashi ningwa, Ye ote mu longo.