1 EEHAMBA 6:1 - Ombibeli Iyapuki

¹ Ndele momudo omutimafele ane nomilongo hetatu Ovaisraeli eshi va dja medu laEgipiti, nokutya momudo omutine wepangelo laSalomo okupangela Israel, mohani yaSif, oyo ohani onhivali, a tungila Omwene ongulu.

1 EEHAMBA 6:1 ပူးပေါင်းရင်းမြစ်များ

1 EEHAMBA 6:2

Nongulu oyo ohamba Salomo ya tungila Omwene, oule wayo wa li omaludimbo omilongo hamano nounene wayo omaludimbo omilongo mbali noule wopombada omaludimbo omilongo nhatu.

1 EEHAMBA 6:37

Ekanghameno longulu yOmwene la tungwa momudo omutine mohani yaSif,

1 OMAFIMBO 29:19

ndele pa omumwange Salomo omutima umwe a diinine oipango yoye neendobwedi doye neenghedimhango doye, opo a ninge ashishe nokutunga ouhamba oo nde u longekida.”

1 OMAFIMBO 6:10

naJohanan xe yaAsaria, ou a li moshilonga shoupristeli mongulu oyo Salomo a tunga muJerusalem.

2 OMAFIMBO 3:3

Ekanghameno eli Salomo okwa tungila ko etungo longulu yaKalunga: Oule, eemeta opashiyelekifo shikulu, eemeta 60, nounene eemeta omilongo mbali.

ESRA 5:11

ndele vo ove tu pa enyamukulo eli ndele tava ti: ‘Fye ovapiya vaKalunga komeulu nokopedu, ndele hatu tungulula ongulu inya ya tungwa momido donale, oyo ya tungwa kohamba inene yaIsrael, ndele ye i shakenifa.

OMAPSALOME 78:69

ndele ta tungu ouyapuki waye, u fike poule wevalelwa, owa fa edu, eli a shita okukala po fiyo alushe.

EXODUS 12:41

Ndele omido omafele ane nomilongo nhatu eshi da pita, mefiku tuu olo, omatanga ovakwaita vOmwene okwa dja mo moshilongo shaEgipiti.

EXODUS 12:51

Ndele mefiku tuu olo Omwene okwa pitifa mo medu laEgipiti Ovaisraeli pamatanga avo.

HESEKIEL 41:1

Opo nee ye a twala nge molupale linene lotembeli. Ndele ye okwa yeleka eengudi dopekuma: kombinga imwe oupapi wa li omaludimbo ahamano nokombinga ikwao oupapi wa li omaludimbo ahamano, ounene wetwali lekololo.

HAGGAI 1:8

Indeni, londeni komhunda, mu ete omiti, nye mu tunge otembeli, opo nee handi ke i hokwa nefimano lange opo li holoke mo, Omwene osho ta ti.

SAKARIA 6:15

Ndelenee oonakukala kokule tave ke uya okutunga otembeli yOmwene. Opo nee nye otamu ka shiiva, nokutya Omwene womatanga ovakwaita Oye a tuma nge kunye. Ndele osho tashi ka kala, onye ngeenge tamu pwilikine shili ondaka yOmwene Kalunga keni.

NUMERI 1:1

Mefiku lotete lohani onhivali momudo omutivali, vo eshi va pita mo medu laEgipiti, Omwene okwa popya vali naMoses metwali leongalo mombuwa yaSinai, ndele ta ti:

OILONGA YOVAYAPOSTOLI 13:19

ndele okwa nyona po oiwana iheyali ya kala medu laKaanan, nedu lavo okwe li va tukulila efyuululo.

OILONGA YOVAYAPOSTOLI 7:47

Ndele Salomo e mu tungila ongulu.

1 OVAKORINTO 6:19

Ile kamu shi shii, omalutu eni oo otembeli yOmhepo Iyapuki ei i li munye mwe i pewa kuKalunga, hano kamu fi veni vene?

2 OVAKORINTO 6:16

Otembeli yaKalunga oi nekwatafano lashike noikalunga? Osheshi fye otembeli yaKalunga omunamwenyo, Kalunga ngaashi a tonga: “Ame onda hala okukala muvo, nokweenda mokati kavo, Ame ohandi kala Kalunga kavo, ovo notava ningi oshiwana shange.”

OVAKOLOSSI 2:7

nokutwama nokulitungila muye nokulipamekela meitavelo, ngaashi mwa longwa, nye mu kale mwa yada omapandulo.

OVAHEBERI 11:10

osheshi okwa li ha teelele oshilando shinya shi nomakanghameno a pama, nomutoti nomutungi washo oKalunga.

OVAHEBERI 9:11

Ndelenee Kristus eshi a ninga omupristeli omukulunhu wouwa wokomesho, okwa tokola metwali linene nola wanenena li dule linya, noinali tungwa nomake, nokutya olo kali fi lomeshito eli,

1 PETRUS 2:5

nanye yo tungweni ngaashi omamanya e nomwenyo, mu ninge eumbo lopamhepo nongudu youpristeli ouyapuki okuyamba omayambo opamhepo a wapalela Kalunga omolwaJesus Kristus.

OVATOKOLIPANGELI 11:26

Israel a kala muHesbon nomuAroer nomikunda dasho nomoilando aishe oyo i li pomunghulo waArnon omido omafele atatu. Molwashike inamu i kufa po mefimbo linya?