1 EEHAMBA 5:7 - Ombibeli Iyapuki

⁷ Hiram eshi a uda eendjovo daSalomo, okwa hafa shili ndele ta ti: “Omwene na hambelelwe, ou a pa David omona omunaendunge, ta pangele oshiwana eshi shinene.”

1 EEHAMBA 5:7 ပူးပေါင်းရင်းမြစ်များ

GENESIS 33:5

Hano Esau eshi a yelula omesho aye ndele ta mono ovalikadi novana, okwa pula ta ti: “Ovo oolyelye ve li pamwe naave?” Ndele Jakob okwa nyamukula ta ti: “Ovo ovamwange, ava Kalunga konghenda yaye a pa omupiya woye.”

1 EEHAMBA 1:48

Nohamba ya tya yo ngaha: ‘Omwene, Kalunga kaIsrael, na hambelelwe, ou a yandja nena eli umwe ou ta kala omutumba kolukalwapangelo lange, nomesho ange e shi mona.’ ”

1 EEHAMBA 10:9

Omwene Kalunga koye na hambelelwe, eshi e ku hokwa nokwe ku kaleka omutumba kolukalwapangelo laIsrael! Omwene eshi e hole Israel fiyo alushe, Ye okwe ku ninga ohamba u longe ouyuki naasho sha yuka.”

1 EEHAMBA 3:9

Pa hano omupiya woye omutima u neduliko ndi shiive okupangela pauyuki ovanhu voye, nokutongola ouwa nowii, osheshi olyelye ta dulu okupangela oshiwana eshi shinene shoye shi fike apa?”

1 EEHAMBA 4:7

Natango muIsrael ashishe Salomo okwa li e nomalenga omulongo naavali. Oo a li e nokukalela ohamba neumbo layo noshisho sheendja. Keshe limwe la li li nokweeta eendja dohani imwe yomomudo.

1 EEHAMBA 5:6

Lombwela hano ndi kelwe omisederi kuLibanon; ovapiya vange nava kale pamwe novapiya voye. Ndele ame ohandi ka yandja ofuto yovapiya voye kwoove naanaa ngaashi to ti; osheshi ove u shi shii nokutya, mokati ketu kamu na nande umwe, ou e neendunge okuka omiti ngaashi Ovasidoni.”

1 EEHAMBA 5:8

Opo nee Hiram a shiivifila Salomo, ta ti: “Nda uda ko osho we shi shiivifila nge. Ame ohandi ka ninga ashishe we shi hala kombinga yomiti domisederi nodomisipresi.

OMAPSALOME 137:6

Elaka lange ngeno nali kanyatele kondakona, ngeenge ihandi ku dimbulukwa, ngeenge itandi ku tetekelifa, Jerusalem, komesho yoihafifi yange aishe.

OMAYELETUMBULO 10:1

Omayeletumbulo aSalomo: Omona omunaendunge ta hafifa xe, ndelenee omona elai oye oluhodi laina.

OMAYELETUMBULO 13:1

Omona omunandunge ta pwilikine outekuduliko waxe, ndelenee omusheki iha udu ko ekumaido.

OMAYELETUMBULO 15:20

Omona ta hafifa xe, nomunhu omushima ta dini ina.

OMAYELETUMBULO 23:24

Xe yomuyuki ota hafe pombada; naau a dala omunongo, ye ote mu nyakukilwa

JESAJA 8:18

Ofye novamwange ava Omwene e va pa nge, ofye omadidiliko noikumwifa yaKalunga muIsrael, oyaKalunga komatanga ovakwaita, ou ha kala komhunda yaSion.

JESAJA 9:6

Osheshi okaana ke tu dalelwa, Omona omumati e tu yandjelwa, nepangelo oli li komapepe aye, ndele ta ifanwa: Omukumwifa-Omupukululi, Kalunga Omunaenghono, Tate yaalushe, Ohamba yombili.