1 EEHAMBA 5:6 - Ombibeli Iyapuki

⁶ Lombwela hano ndi kelwe omisederi kuLibanon; ovapiya vange nava kale pamwe novapiya voye. Ndele ame ohandi ka yandja ofuto yovapiya voye kwoove naanaa ngaashi to ti; osheshi ove u shi shii nokutya, mokati ketu kamu na nande umwe, ou e neendunge okuka omiti ngaashi Ovasidoni.”

1 EEHAMBA 5:6 ပူးပေါင်းရင်းမြစ်များ

GENESIS 10:15

Ndele Kaanan okwa li xe yaSidon, oshiveli shaye, naHet

1 EEHAMBA 10:26

Salomo okwa ongela omatemba oita novalondi veenghambe, onghee okwa li e nomatemba eyovi nomafele ane oita novalondi omayovi omulongo naavali veenghambe. Okwe va nangeka muJerusalem nomoilando ikwao.

1 EEHAMBA 5:7

Hiram eshi a uda eendjovo daSalomo, okwa hafa shili ndele ta ti: “Omwene na hambelelwe, ou a pa David omona omunaendunge, ta pangele oshiwana eshi shinene.”

1 EEHAMBA 6:16

Ndele okwa uvika vali ekuma lokonima yongulu omaludimbo omilongo mbali a yala po oipilangi yomiti domisederi okudja poshi fiyo okomiti donhala. Osho ngaha a tungila mo eshi shomenielela nokutya, ouyapukielela.

1 EEHAMBA 6:20

Oule wouyapukielela wa li omaludimbo omilongo mbali, nounene wao omaludimbo omilongo mbali, noule wopombada omaludimbo omilongo mbali. Nokwe u vaekifa noshingoldoelela. Noaltari okwe i uvikifa nomiti domisederi.

1 EEHAMBA 9:19

noituvikilolando aishe yaSalomo, noilando yomatemba oita noyovalondi veenghambe neenhele adishe dikwao Salomo okwa li a pondola oku i tunga muJerusalem nomuLibanon nomoshilongo ashishe shomepangelo laye.

1 EEHAMBA 9:27

Hiram okwa tuma keeskepa odo ovapiya vaye, ovalumenhu veeskepa, va ika okukala mefuta, va kale pamwe novapiya vaSalomo.

1 OMAFIMBO 22:4

Navali omandangalati mahapu omisederi a nyenga okuvalwa; osheshi Ovasidoni nOvatirus va tumina David omandangalati mahapu unene.

2 OMAFIMBO 1:14

Ndele Salomo okwa ongela omatemba oita novalondi veenghambe, onghee okwa li e nomatemba oita eyovi nomafele ane novalondi veenghambe omayovi omulongo naavali. Okwe va nangeka muJerusalem nomoilando ikwao.

2 OMAFIMBO 2:10

Ndele tala, ngaashi eendja, ame ohandi yandje kovapiya voye oonakuka omiti, oilyavala eetona omayovi avali, nomahangu eetona omayovi avali, nomaviinyu eelita omayovi omafele ane, nomaadi eelita omayovi omafele ane.”

2 OMAFIMBO 2:8

Tumine nge omiti domisederi nodomisipresi nodomisandeli dokuLibanon, osheshi ndi shi shii, ovapiya voye ve shii kuka omiti domuLibanon. Ndele tala, ovapiya vange tava ka kala pamwe novapiya voye,

ESRA 3:7

Ndelenee va yandja oimaliwa kovahongi vomamanya novoipilangi. Ndele kOvasidoni nokOvatirus va yandja ko eendja noikunwa nomaadi, va kufe omiti domisederi muLibanon, ndele ve di ete kefuta kuJoppa pashipango shaKores, ohamba yaPersia, ye shi va pa.

OMAPSALOME 29:5

Ondaka yOmwene otai teyaula omiti domisederi; heeno, Omwene ta teyaula omisederi domuLibanon;

SAKARIA 11:12

Opo tuu ame nde va lombwela, handi ti: “Ngeenge sha wapala kunye, peni nge ondjabi yange, ndele ngeenge hasho, nashi kale. Opo vo ova yeleka ondjabi yange eesekeli doshisiliveli omilongo nhatu.”

OVAROMA 12:17

Inamu alulila nande omunhu owii waye. Lalakaneneni ei ya wapalela ovanhu aveshe.

OVAEFESO 4:7

Ndelenee keshe tuu ou womufye okwa pewa onghenda pashiyelekifo shoshali yaKristus.

DEUTERONOMION 17:16

Ndelenee yo ihe likongele eenghambe dihapu, ndele inai shunifa ovanhu kuEgipiti, yo i likongele eenghambe dihapu, osheshi Omwene okwe mu lombwelele: Inamu shuna vali nande nondjila tuu ei.

OVAFILIPPI 4:8

Ndele natango, ovamwatate, ashishe osho shoshili, naasho sha fimana, naasho sha yuka, naasho sha koshoka, naasho shi holike, naasho shi netumbalo liwa, ongee onghedi iwa ile epandulo, ei aishe i diladileni.