1 EEHAMBA 5:5 - Ombibeli Iyapuki

⁵ Ndele tala, ame nda hala okutungila edina lOmwene Kalunga kange ongulu ngaashi Omwene a lombwela tate David ndele ta ti: Omumwoye omumati, ou handi mu kaleke kolukalwapangelo loye ponhele yoye, ye ota ka tungila edina lange ongulu.

1 EEHAMBA 5:5 ပူးပေါင်းရင်းမြစ်များ

1 EEHAMBA 8:19

Ndelenee haave to ka tunga ongulu oyo, ndelenee omumwoye ou ta di molutu loye, ye ota ka tungila edina lange ongulu.’

2 EEHAMBA 18:31

Inamu pwilikina Hiskia. Osheshi ohamba yaAsiria tai ti ngaha: ‘Tu ningeni oukaume, fye nanye, nye mu liyandje, nye mu kale, keshe umwe ota li komuviinyu waye mwene nokomukwiyu waye mwene, ndele keshe umwe ta nu momufima waye.

1 OMAFIMBO 17:12

Ye ota ka tungila nge ongulu, nolukalwapangelo laye ohandi ke li pameka fiyo alushe.

1 OMAFIMBO 22:10

Ye ota ka tungila edina lange ongulu, ndele ye ota ka ninga omumwange naame xe. Ndele Ame ohandi ka pameka olukalwapangelo louhamba waye okupangela Ovaisraeli fiyo alushe.’

1 OMAFIMBO 28:10

Tala hano, Omwene e ku hoolola, u tunge ongulu yotembeli. Kala wa pama, u i xulife.”

1 OMAFIMBO 28:6

Nokwa lombwela nge: ‘Omumwoye Salomo ota ka tunga ongulu yange nomahale ange, osheshi Ame nde mu hoolola, a ninge omumwange ndele Ame ohandi ka kala xe.

LEVITIKUS 25:18

Ndele wanifeni eenghedimhango dange, diinineni omalombwelo ange, opo mu shiive okukala moshilongo mu nombili.

LEVITIKUS 25:19

Nedu tali mu pe oiimati yalo, ndele nye otamu ka kuta nokukala nombili mulo.

MIKA 4:4

Ndelenee otava ka kala omutumba, keshe umwe, momudile womuviinyu waye nowomukwiyu waye, ndele kape na ou te va tilifa. Osheshi okanya kOmwene womatanga ovakwaita ke shi tya.

SAKARIA 3:10

Mefiku tuu olo nye otamu ka shiivafana momudile womuviinyu nowomukwiyu.”

DEUTERONOMION 33:28

Osho ngaha hano Israel ta ka kala nombili. Ofifiya yaJakob, ya tongoka mo, medu li noilya nomaviinyu, neulu laye yo tali eta omata omume.

OVATOKOLIPANGELI 20:1

Opo nee ovana aveshe vaIsrael va ongala ngaashi omulumenhu umwe auke okudja kuDan fiyo okuBerseba, pamwe noshilongo shaGilead koshipala shOmwene muMispa.