Ndelenee otava ka kala omutumba, keshe umwe, momudile womuviinyu waye nowomukwiyu waye, ndele kape na ou te va tilifa. Osheshi okanya kOmwene womatanga ovakwaita ke shi tya.
Inamu pwilikina Hiskia. Osheshi ohamba yaAsiria tai ti ngaha: ‘Tu ningeni oukaume, fye nanye, nye mu liyandje, nye mu kale, keshe umwe ota li komuviinyu waye mwene nokomukwiyu waye mwene, ndele keshe umwe ta nu momufima waye.
ndele to ti: Ame ohandi ka totela oshilongo sha heva, ame ohandi ke uya kovanhu ve li mombili vehe nambudi. Vo aveshe hava kala moilando ihe nohotekuma noyiidilifo noivelo.
Medu loye itamu udika vali oumhule ile ehanauno ile enyonaunepo meni loshilongo shoye, nExupifo oto li luku ohotekuma yoye, ndele oshivelo shoye Ehambelelo.
Ndelenee ame ohandi ku pe eendunge, handi ti: Ifana Ovaisraeli aveshe okudja kuDan fiyo okuBerseba va ongale pwoove, vo aveshe ngaashi eheke pomunghulo wefuta. Naave yo mwene u nokuya molwoodi.
Tala, to ka dala omona okamati, ye ota ka ninga omulumenhu wombili, ndele Ame ohandi ke mu tulumukifa kovatondadi vaye aveshe keembinga adishe. Osheshi edina laye tali ka ninga Salomo, ndele Ame ohandi etele Israel ombili netulumuko.
Inamu pwilikina Hiskia. Osheshi ohamba yaAsiria otai ti: “Tu ningeni oukaume, ofye nanye, nye mu liyandje, nye mu kale keshe umwe ota li omuviinyu waye mwene nomukwiyu waye mwene nakeshe omunhu na nwe omeva momufima waye mwene,
ndele vo otava ka dimbwa okushekwa kwavo neliteeko alishe lavo eshi ve liteeka nge, ngeenge tava ka kala vehe nambudi medu lavo, nokape na ou te va halukifa.