1 EEHAMBA 4:20 - Ombibeli Iyapuki

²⁰ Ovajuda nOvaisraeli va li vahapu ngaashi eheke li li komunghulo wefuta. Ova lya, va nwa ndele va hafa.

1 EEHAMBA 4:20 ပူးပေါင်းရင်းမြစ်များ

GENESIS 13:16

Ndele Ame ohandi ka hapupalifa oludalo loye ngaashi ondwi yedu, ngeenge ope na omunhu ta dulu okuvala ondwi yedu, ota shiiva yo okuvala oludalo loye.

GENESIS 15:5

Opo nee Ye okwe mu twala pondje ndele ta ti: “Tala pombada keulu ndele to vale eenyofi, ngeenge oto dulu tuu oku di vala.” Ndele Ye okwe mu lombwela: “Osho oludalo loye tali ka kala.”

GENESIS 22:17

ohandi ke ku nangeka noupuna unene noludalo loye ohandi li hapupalifa unene ngaashi eenyofi dokeulu nongaashi eheke pomunghulo wefuta. Noludalo loye otali ka nangala moivelo yovanaita nalo.

GENESIS 32:12

Oove mwene wa tile: ‘Oshili Ame ohandi ke ku ningila ouwa nokuhapupalifa oludalo loye li fike pefuta, lo itali dulu okuvalwa molwouhapu walo.’ ”

1 EEHAMBA 3:8

Nomupiya woye e li mokati koshiwana, Ove we shi hoolola, oshiwana shinene, tashi nyenge okuvalula ile okuyeleka omolwouhapu washo.

1 EEHAMBA 4:29

Ndele Kalunga okwa pa Salomo nounongo neendunge dihapu nomayele mahapu e fike peheke lopefuta,

1 EEHAMBA 5:9

Ovapiya vange tave ke di kufa muLibanon noku di twala kefuta, ndele ame ohandi ke di mangela kumwe mefuta, ndele handi ke di tuma apa to lombwele nge, oko ohandi di mangulula kumwe noko to ke di kufa. Ndele ove u nokuwanifa ehalo lange, u tumine eumbo lange eendja.”

2 EEHAMBA 18:31

Inamu pwilikina Hiskia. Osheshi ohamba yaAsiria tai ti ngaha: ‘Tu ningeni oukaume, fye nanye, nye mu liyandje, nye mu kale, keshe umwe ota li komuviinyu waye mwene nokomukwiyu waye mwene, ndele keshe umwe ta nu momufima waye.

1 OMAFIMBO 12:39

Ndele va kala pamwe naDavid okulya nokunwa omafiku atatu, osheshi ovakwanepata vavo ve va pa onghuta.

1 OMAFIMBO 22:9

Tala, to ka dala omona okamati, ye ota ka ninga omulumenhu wombili, ndele Ame ohandi ke mu tulumukifa kovatondadi vaye aveshe keembinga adishe. Osheshi edina laye tali ka ninga Salomo, ndele Ame ohandi etele Israel ombili netulumuko.

JOB 1:18

Fimbo ta popi natango, umwe okwe uya vali ndele ta ti: “Ovana voye ovamati noukadona va li tava li ndele tava nu omaviinyu meumbo loshiveli shavo,

OMAYELETUMBULO 14:28

Ouhapu wovanhu oo efimano lohamba, ndelenee eninipalo lovanhu, olo exutuko lomupangeli.

OMUUDIFI 2:24

Omunhu ke na nande ouwa umwe, okulya nokunwa nokushambukifa omwenyo waye nouwa mokulonga kwaye kudjuu. Ame nda mona nokutya, osho osha dja meke laKalunga.

JESAJA 22:13

Ndelenee tala, omu na ehafo nenyakuko, omatomo eehove nomadipao eedi, okulya ombelela nokunwa omaviinyu, tava ti: “Tu lyeni, fye tu nweni, osheshi mongula ohatu fi.”

MIKA 4:4

Ndelenee otava ka kala omutumba, keshe umwe, momudile womuviinyu waye nowomukwiyu waye, ndele kape na ou te va tilifa. Osheshi okanya kOmwene womatanga ovakwaita ke shi tya.

SAKARIA 3:10

Mefiku tuu olo nye otamu ka shiivafana momudile womuviinyu nowomukwiyu.”

SAKARIA 9:15

Omwene womatanga ovakwaita ote va amene, ndele vo otava ka findana, ndele otava ka lyata omamanya ovaumbi. Otava nu ohonde yavo ngaashi omaviinyu, nove yadi ngaashi oiyuma yeyambo, ngaashi eekolonela doaltari.

OILONGA YOVAYAPOSTOLI 2:46

Ndele momafiku aeshe ova kala nomutima umwe motembeli nomomaumbo, va pambula omungome ndele ova lile eendja davo nehafo nomitima da yela,

1 SAMUEL 30:16

Ndele ye eshi e mu twala ko, venya va li ve lihanena akushe moluhaela, va li tava li ndele tava nu, ndele tava dana oshivilo molwoixuulwa aishe inene ve i kufa moshilongo shOvafilisti nomoshilongo shaJuda.