1 EEHAMBA 3:8 - Ombibeli Iyapuki

⁸ Nomupiya woye e li mokati koshiwana, Ove we shi hoolola, oshiwana shinene, tashi nyenge okuvalula ile okuyeleka omolwouhapu washo.

1 EEHAMBA 3:8 ပူးပေါင်းရင်းမြစ်များ

GENESIS 13:16

Ndele Ame ohandi ka hapupalifa oludalo loye ngaashi ondwi yedu, ngeenge ope na omunhu ta dulu okuvala ondwi yedu, ota shiiva yo okuvala oludalo loye.

GENESIS 15:5

Opo nee Ye okwe mu twala pondje ndele ta ti: “Tala pombada keulu ndele to vale eenyofi, ngeenge oto dulu tuu oku di vala.” Ndele Ye okwe mu lombwela: “Osho oludalo loye tali ka kala.”

GENESIS 22:17

ohandi ke ku nangeka noupuna unene noludalo loye ohandi li hapupalifa unene ngaashi eenyofi dokeulu nongaashi eheke pomunghulo wefuta. Noludalo loye otali ka nangala moivelo yovanaita nalo.

1 EEHAMBA 4:20

Ovajuda nOvaisraeli va li vahapu ngaashi eheke li li komunghulo wefuta. Ova lya, va nwa ndele va hafa.

1 OMAFIMBO 21:2

Ndele David okwa lombwela Joab novakulunhu voshiwana: “Indeni mu ka vale Ovaisraeli okudja kuBerseba fiyo okuDan, ndele shiivifilei nge, opo ndi shiive omuvalu wavo.”

OMAPSALOME 78:71

ote mu kufa meedi deenyali, Ye a life Jakob, oshiwana shaye, naIsrael efyuululo laye.

LEVITIKUS 26:9

Noshipala shange ohandi ke shi mu taalelifila ndele handi mu pe oludalo ndele tamu hapupala. Nehangano lange nanye Ame ohandi ke li pameka.

1 SAMUEL 12:22

Osheshi Omwene omolwedina laye linene ina hala okweekelashi ovanhu vaye, osheshi Omwene a hala oku mu ninga oshiwana shaye mwene.