1 EEHAMBA 3:7 - Ombibeli Iyapuki

⁷ Hano paife, Omwene Kalunga kange, owa ninga omupiya woye ohamba ponhele yatate David. Ndelenee aame omunyasha, inandi shiiva okupita mo ile okuuya mo.

1 EEHAMBA 3:7 ပူးပေါင်းရင်းမြစ်များ

2 SAMUEL 5:2

Nokuli nale fimbo Saul a li ohamba yetu, ove wa li ou ta twala Israel noku mu alula. NOmwene e ku lombwela: ‘Ove u nokulifa ovanhu vange Israel ndele ove u nokuninga ohamba yOvaisraeli.’ ”

1 OMAFIMBO 22:5

Osheshi David ta ti: “Omumwange Salomo omunyasha wokasheshelutu ndele ongulu oyo tai ka tungilwa Omwene, i nokuninga inene i dule eengulu adishe, i ninge etumbalo newapalo loilongo aishe. Nandi mu longekidile hano etungo.” Onghee hano David, fimbo ina fya, a longekida oitungifo ihapu.

1 OMAFIMBO 22:9

Tala, to ka dala omona okamati, ye ota ka ninga omulumenhu wombili, ndele Ame ohandi ke mu tulumukifa kovatondadi vaye aveshe keembinga adishe. Osheshi edina laye tali ka ninga Salomo, ndele Ame ohandi etele Israel ombili netulumuko.

1 OMAFIMBO 29:1

Ohamba David ya lombwela vali oshiongalele ashishe: “Omumwange Salomo, ou a hoololwa kuKalunga, ye omunyasha noke na eshiivo la wana, noshilonga oshinene, ndelenee ouhamba oo kau fi womunhu, ndelenee owOmwene Kalunga.

OMAPSALOME 121:8

Omwene ota amene epito loye neuyemo loye okudja nena fiyo alushe.

OMAYELETUMBULO 18:12

Omutima womulumenhu tau linenepeke komesho yehanauno laye. Ndelenee elininipiko tali tetekele efimano.

OMUUDIFI 10:16

Woo ove oshilongo! Ohamba yasho okaana, nomalenga asho eshi taa kala poitelekela eengula dinene nokuli.

JEREMIA 1:6

Opo nee ame onda tya: “Akutu Omwene Kalunga! Tala, ame kandi shii kupopya, osheshi aame omunyasha.”

JEREMIA 1:7

Ndelenee Omwene okwa lombwela nge, ta ti: “Ino tya: ‘Aame omunyasha,’ osheshi keshe apa handi ku tumu ou nokuya po, nakeshe eshi handi shi ku lombwele ou noku shi popya.

DANIEL 2:21

Oye ta lundulula omafimbo neetundi, ndele Ye ota xutula eehamba noha nangeke eehamba, ndele Oye ha yandje ounongo kovanongo nomayele kovanamayele.

DANIEL 4:25

Ove to tewa mo mokati kovanhu, ndele to ka kala pamwe noifitukuti yomoixwa, oto ka pewa omwiidi ngaashi eengobe, oto ka kala wa tuta komume yokeulu; ndele osho ngaho ove to pitifa po omafimbo aheyali, fiyo to ka shiiva, ou wOkombadambada oha pangele oshilongo shovanhu ndele te shi pe ou Ye a hala.

DANIEL 4:32

Ndele to tewatewa mokati kovanhu, ndele to ka kala pamwe noifitukuti yomoixwa, to ka lya omwiidi ngaashi eengobe, ndele ove oto ka pitifa po omafimbo aheyali, fiyo oto ka shiiva nokutya, ou wOkombadambada oku neenghono okupangela oshilongo shovanhu noku shi pa ou Ye a hala.”

DANIEL 5:18

Hano tatekulu ohamba! Kalunga ou wOkombadambada okwa pele xo Nebukadnesar ouhamba neenghono netumbalo nefimanopangelo.

DANIEL 5:21

Ndele ye okwa tewa mo mokati kovanhu, omutima waye owa kala ngaashi ou woifitukuti, ndele ye okwa kala mokati keefino, nokwa lya omwiidi ngaashi eengobe. Nomume yokeulu oya tutika olutu laye, fiyo okwa koneka, kutya Kalunga wOkombadambada oku neenghono okupangela oshilongo shovanhu noku shi yandja kwaau a hala.

NUMERI 27:17

ou te va kwatele komesho mokupita kwavo nokuya mo kwavo te va kufa mo note va twala mo, eongalo lOmwene liha kale ngaashi eedi dihe nomufita.”

JOHANNES 10:9

Aame oshivelo. Ngeenge pe na ou ta i mo ta piti mwaame, oye ta xupifwa, ndele ta kala nokuya mo nokudja mo, ndele ta mono oulifilo.

DEUTERONOMION 31:2

ndele ta ti kuvo: “Nena eli nda wanifa omido efele nomilongo mbali. Ame nghi dulu vali okupita nokuuya mo, nOmwene okwa lombwela nge: ‘Ito tauluka omulonga ou waJordan.’

1 SAMUEL 18:16

Ndelenee Ovaisraeli aveshe nOvajuda ve hole David, shaashi ye okwa pitila ovakwaita komesho mokudja po nomokwaaluka.