1 EEHAMBA 3:6 - Ombibeli Iyapuki

⁶ Ndele Salomo okwa nyamukula Kalunga: “Ove wa fila tate David onghenda inene ngaashi ye a kala nokweenda koshipala shoye moudiinini nomouyuki nomutima wa yuka. Ndele we mu ulikila ohole ihe nexulilo, eshi wa tula omona kolukalwapangelo laye, ngaashi shi li nena eli.

1 EEHAMBA 3:6 ပူးပေါင်းရင်းမြစ်များ

GENESIS 24:40

Ndele ye okwa nyamukula nge: ‘Omwene, moipafi yaye ame nda kala nokweenda, ota ka tuma omweengeli waye pamwe naave, ndele Ye ote ku monifa elao mondjila yoye, opo u shiive okweetela omumwange omwalikadi mepata letu nomeumbo latate,

2 SAMUEL 22:21

Omwene okwa pa nge pauyuki wange, ndele ta punike nge paukoshoki womutima wange.

2 SAMUEL 22:25

Onghee nee Omwene a alulila nge pauyuki wange, nopaukoshoki womutima wange.

2 SAMUEL 7:5

Inda u ka lombwele omupiya wange David, u tye: ‘Haave to ka tungila nge ongulu, ndi kale mo.

1 EEHAMBA 1:48

Nohamba ya tya yo ngaha: ‘Omwene, Kalunga kaIsrael, na hambelelwe, ou a yandja nena eli umwe ou ta kala omutumba kolukalwapangelo lange, nomesho ange e shi mona.’ ”

1 EEHAMBA 15:5

osheshi David a ninga osho sha yuka momesho Omwene ndele ina yapuka mo mwaashishe Ye e mu lombwela momafiku aeshe omokukala kwaye, moshinima shimwe ashike nokutya, shaUria, Omuheti.

1 EEHAMBA 2:4

Omwene opo a wanife ondjovo yaye, Ye a lombwela nge, nokutya: Ovana voye ovamati ngeenge tava pashukile ondjila yavo mokudiinina okweenda koshipala shange nomitima davo adishe neemwenyo davo adishe, opo nee omulumenhu ita ka pumba ou ta ka kala omutumba kolukalwapangelo laIsrael.

1 EEHAMBA 3:14

Ndele ngeenge to ende neendjila dange, ndele to diinine eenghedimhango dange noipango yange, ngaashi xo David a enda, opo nee Ame ohandi ka hapupalifa omafiku oye.”

1 EEHAMBA 9:4

Ndele ove ngeenge ho ende koshipala shange ngaashi xo David a enda nomutima aushe nomouyuki okuninga ngaashi Ame nde ku lombwela ndele ho diinine eenghedimhango dange nomalombwelo ange,

2 EEHAMBA 20:3

“Akutu Omwene, dimbulukwa nhumbi nda kala nokweenda koshipala shoye moudiinini nomutima aushe, ndele nda ninga osho sha wapalela omesho oye.” Ndele Hiskia okwa lila unene.

2 OMAFIMBO 1:8

Ndele Salomo okwa nyamukula Kalunga: “Ove wa fila tate David onghenda inene ndele wa ninga nge ohamba ponhele yaye.

OMAPSALOME 116:7

Omwenyo wange, alukila ketulumuko loye, osheshi Omwene e ku ninga nawa.

OMAPSALOME 119:17

Ningila omupiya woye ouwa, ndi kale nomwenyo, opo ndi shiive okudiinina ondjovo yoye.

OMAPSALOME 13:6

Ame ohandi imbile Omwene, osheshi Ye a ningila nge ouwa.

OMAPSALOME 15:2

Oye tuu ou ha yukilile nota longo ouyuki, ndele ta popi oshili momutima waye;

NUMERI 12:7

Ndelenee hasho shi nomupiya wange Moses. Ye omudiinini meumbo lange alishe.

2 OVAKORINTO 9:11

opo nee eshi mwa punapalekwa mwaaishe, mu dule okulonga, muhe noihelele, oshilonga keshe shiwa, tashi pandulifa Kalunga omolwetu.

2 OVAKORINTO 9:5

Onghee hano onde shi tala osha wapala okukumaida ovamwatate, va ka tetekele okuya kunye nova longekide eeshali mwe di udaneka nale, di ninge eeshali depuniko, do diha nyike ouluva.