1 EEHAMBA 3:3 - Ombibeli Iyapuki

³ Ndele Salomo okwa li e hole Omwene nokweenda neenghedimhango daxe David. Ndelenee natango tuu ye a yamba koikulundu yokuyamba.

1 EEHAMBA 3:3 ပူးပေါင်းရင်းမြစ်များ

1 EEHAMBA 11:34

Ndelenee oshilongo ashishe itandi shi kufa mo meke laye, ndelenee handi mu tula a kale ohamba momafiku aeshe omokukala kwaye omolwomupiya wange David, ou a diinina oipango yange neenghedimhango dange.

1 EEHAMBA 11:38

Ndele ngeenge to pwilikine adishe odo Ame handi ku lombwele ndele ho ende neendjila dange, ndele to ningi eshi sha yuka momesho ange mokudiinina eenghedimhango dange noipango yange ngaashi omupiya wange David a ninga, opo nee Ame ohandi ka kala naave noku ku dikila ongulu tai kalelele, ngaashi nda dikila David, ndele handi ku pe Israel.

1 EEHAMBA 11:4

Ndele Salomo eshi a kulupa, ovalikadi vaye va hongaula omutima waye okushikula oikalunga imwe, onghee omutima waye aushe inau kala nOmwene Kalunga kaye ngaashi omutima waxe David.

1 EEHAMBA 11:6

Osho ngaha hano Salomo a ninga osho inashi wapala momesho Omwene, ndele ina diinina okushikula Omwene ngaashi xe David.

1 EEHAMBA 14:23

Ndele vo ve litungila yo oikulundu yeealtari neengudi domamanya nomiti domalupwelele daAsera koshikulundu keshe shile nopomuti keshe mutalala.

1 EEHAMBA 14:8

ndele nda kufa ouhamba meumbo laDavid ndele nde u ku pa. Ndelenee ove ino kala ngaashi omupiya wange David, ou a diinina oipango yange, nokwa shikula nge nomutima aushe, onghee hano a longa osho ashike sha li sha yuka momesho ange.

1 EEHAMBA 15:11

Ndele Asa okwa ninga osho sha yuka momesho Omwene, ngaashi xe David.

1 EEHAMBA 15:14

Ndelenee oikulundu yokuyambela inai hanaunwa po. Ndelenee omutima waAsa wa li shili we liyandja kOmwene, fimbo ye a kala nomwenyo.

1 EEHAMBA 15:3

Ndele ye okwa enda noulunde aushe waxe, ou e mu kala komesho, nokunyona. Nomutima waye inau kalela shili Omwene Kalunga kaye ngaashi omutima waxe David.

1 EEHAMBA 15:5

osheshi David a ninga osho sha yuka momesho Omwene ndele ina yapuka mo mwaashishe Ye e mu lombwela momafiku aeshe omokukala kwaye, moshinima shimwe ashike nokutya, shaUria, Omuheti.

1 EEHAMBA 22:43

Nokwa enda mwaaishe nondjila yaxe Asa, ina yapuka mo nande muyo, nokwa ninga osho sha yuka momesho Omwene. Ashike oikulundu yeealtari inai ngumauna po. Ovanhu va yamba natango koikulundu nokutwimina ko.

1 EEHAMBA 22:44

Ndele Josafat okwa ninga ombili nohamba yaIsrael.

1 EEHAMBA 3:14

Ndele ngeenge to ende neendjila dange, ndele to diinine eenghedimhango dange noipango yange, ngaashi xo David a enda, opo nee Ame ohandi ka hapupalifa omafiku oye.”

1 EEHAMBA 3:6

Ndele Salomo okwa nyamukula Kalunga: “Ove wa fila tate David onghenda inene ngaashi ye a kala nokweenda koshipala shoye moudiinini nomouyuki nomutima wa yuka. Ndele we mu ulikila ohole ihe nexulilo, eshi wa tula omona kolukalwapangelo laye, ngaashi shi li nena eli.

1 EEHAMBA 8:25

Wanifa yo, Omwene Kalunga kaIsrael, omaudaneko makwao aa wa udanekela tate David, nokutya: ‘Itapu ka pumbulukwa ohamba moludalo loye, oyo tai pangele Ovaisraeli, ngeenge tava diinine ondjila yange nokweenda momhango yange ngaashi ove wa enda koshipala shange.’

1 EEHAMBA 8:61

Ndele liyandjeni nee neemwenyo adishe kOmwene, Kalunga keni nokweenda pamalombwelo aye nokudiinina oipango yaye ngaashi paife yo.”

1 EEHAMBA 9:4

Ndele ove ngeenge ho ende koshipala shange ngaashi xo David a enda nomutima aushe nomouyuki okuninga ngaashi Ame nde ku lombwela ndele ho diinine eenghedimhango dange nomalombwelo ange,

2 EEHAMBA 12:3

Ashike, oikulundu yokuyambela inai hanaunwa po. Ovanhu va yamba natango ndele va twimina koikulundu.

2 EEHAMBA 12:4

Ndele Joas okwa lombwela ovapristeli: “Oimaliwa aishe tai etwa kongulu yOmwene ngaashi eeshali diyapuki, oimaliwa i noshilonga, noiyandjiwa yovanhu pakuyandja kwomudo, noimaliwa aishe oyo omunhu te i eta kehalo laye liwa kongulu yOmwene,

2 EEHAMBA 14:3

Nokwa ninga osho sha yuka momesho Omwene, ndelenee hangaashi xe David. Ndelenee ngaashi xe Joas a ninga, osho yo ye a ninga.

2 EEHAMBA 14:4

Ashike oikulundu yokuyambela inai efuwa. Ovanhu va yamba ndele tava twimine natango koikulundu.

2 EEHAMBA 15:35

Ashike oikulundu yokuyambela ine i hanauna po. Ovanhu va yamba natango nokutwimina koikulundu. Oye a tunga oshivelo shoketumbo ledu shongulu yOmwene.

2 EEHAMBA 15:4

Ndelenee oikulundu yokuyambela ine i hanauna po. Ovanhu va yamba nokutwimina natango koikulundu.

2 EEHAMBA 18:22

Ndelenee nye ngeenge tamu ti kwaame: “Fye hatu lineekele Omwene, Kalunga ketu,” haye ou, oikulundu yaye neealtari daye Hiskia a hanauna po, eshi a lombwela Juda naJerusalem: “Koaltari ei yomuJerusalem mu nokulinyongamena”?

2 EEHAMBA 18:4

Nokwa hanauna po oikulundu yokuyambela nokwa tataula eengudi domamanya, nokwa ka po omalupwelele aAsera neyoka loshikushu, Moses e li ningile, ye e li teyaula po, shaashi ovana vaIsrael ve li twiminina. Nokwe li ifana Nehustan.

2 OMAFIMBO 15:17

Oikulundu yokuyambela yomuIsrael inai xula po, ndelenee omutima waAsa wa li inau tukauka pomafiku aye aeshe.

OMAPSALOME 145:20

Omwene oha amene aveshe, ava ve mu hole, ndelenee ovadudu aveshe ote va kombo po.

OMAPSALOME 31:23

Kaleni mu hole Omwene, ovakoshoki nye amushe! Ava tava diinine, Omwene ote va amene; ndelenee ou te litumbaleke mwene, ote shi mu alulile oushima u yadi.

LEVITIKUS 17:5

Onghee hano ovana vaIsrael nava ete omatomenoyambo avo ve a tomena pondje moluhaela komupristeli koshipala shOmwene poshivelo shetwali leongalo, noko ve noku i yambela Omwene epanduloyambo.

MATEUS 22:37

Ndele Ye okwa tya kuye: “ ‘Hola Omwene Kalunga koye nomutima woye aushe nomwenyo woye aushe neendunge doye adishe.’

JOHANNES 14:15

“Ngeenge omu hole nge, diinineni oipango yange.

JOHANNES 14:21

“Ou e noipango yange ndele te i diinine, oye tuu ou e hole nge; ndele ou e hole nge, ota kala e holike kuTate, naame yo ondi mu hole, ndele handi mu lihololele.”

OVAROMA 8:28

Ndele otu shi shii, ava ve hole Kalunga, oinima aishe kumwe otave i longelwa ouwa, ava va ifanwa pamhangela yaye.

1 OVAKORINTO 8:3

ndelenee ou e hole Kalunga, oye a shiivika kuye.

DEUTERONOMION 10:12

“Ndele paife Israel, Omwene Kalunga koye ote ku pula shike shimwe ngeno, ashike ove u kale nokutila Omwene Kalunga koye, u ende alushe neendjila daye, ndele u mu hole nokulongela Omwene Kalunga koye nomutima woye aushe nomwenyo woye aushe.

DEUTERONOMION 10:13

Opo u kale nokudiinina oipango yOmwene neenghedimhango edi handi ku lombwele nena eli, opo u kale u nelao?

DEUTERONOMION 11:13

Hano nye ngeenge tamu pwilikine nawa oipango yange ei ame handi mu lombwele nena eli, mu kale nokuhola Omwene Kalunga keni noku mu longela nomutima weni aushe nomwenyo weni aushe,

DEUTERONOMION 30:16

Eshi handi ku lombwele nena eli: okuhola Omwene Kalunga koye, nokweenda neendjila daye nokudiinina oipango yaye nomalombwelo aye neenghedimhango daye, opo u shiive okukala nomwenyo nokuhapupala, nOmwene Kalunga koye opo e ku nangeke noupuna moshilongo omo to i, u ke shi nangale.

DEUTERONOMION 30:20

ngeenge omu hole Omwene Kalunga keni nokupwilikina ondaka yaye nokukanyatela muye. Osheshi osho oukalimwenyo woye noule womafiku oye, opo u shiive okukala moshilongo osho Omwene a udanekela ooxo Abraham, Isak naJakob nokwaana, Ye e shi va pe.”

DEUTERONOMION 30:6

NOmwene Kalunga koye ote ke ku pitifa etanda momutima woye, nomutima woludalo loye, opo u kale nokuhola Omwene Kalunga koye nomutima woye aushe nomwenyo woye aushe, opo u shiive okukala nomwenyo.

DEUTERONOMION 6:5

Ndele ove hola Omwene Kalunga koye nomutima woye aushe, nomwenyo woye aushe, neenghono doye adishe.

JAKOB 1:12

Omulumenhu omunelao oye ou te lididimikile eshindo, osheshi ngee a ningi omuduli walo, ota ka pewa oshishani shomwenyo, ou Omwene a udanekela ava ve mu hole.

JAKOB 2:5

Ovamwatate ovaholike, pwilikineni, Kalunga ina hoolola hamba ava va talwa kounyuni ou eehepele, va ninge oipuna meitavelo novafyuululi vouhamba ou wa udanekelwa ovo ve mu hole?

1 SAMUEL 9:12

Ndele ve va nyamukula tava ti: “Oko e li komesho yeni. Endeleleni paife, osheshi ye e uya nena moshilando, shaashi ovanhu ve neyambo nena koshikulundu.