1 EEHAMBA 3:14 - Ombibeli Iyapuki

¹⁴ Ndele ngeenge to ende neendjila dange, ndele to diinine eenghedimhango dange noipango yange, ngaashi xo David a enda, opo nee Ame ohandi ka hapupalifa omafiku oye.”

1 EEHAMBA 3:14 ပူးပေါင်းရင်းမြစ်များ

1 EEHAMBA 11:34

Ndelenee oshilongo ashishe itandi shi kufa mo meke laye, ndelenee handi mu tula a kale ohamba momafiku aeshe omokukala kwaye omolwomupiya wange David, ou a diinina oipango yange neenghedimhango dange.

1 EEHAMBA 15:5

osheshi David a ninga osho sha yuka momesho Omwene ndele ina yapuka mo mwaashishe Ye e mu lombwela momafiku aeshe omokukala kwaye, moshinima shimwe ashike nokutya, shaUria, Omuheti.

1 EEHAMBA 3:3

Ndele Salomo okwa li e hole Omwene nokweenda neenghedimhango daxe David. Ndelenee natango tuu ye a yamba koikulundu yokuyamba.

1 EEHAMBA 3:6

Ndele Salomo okwa nyamukula Kalunga: “Ove wa fila tate David onghenda inene ngaashi ye a kala nokweenda koshipala shoye moudiinini nomouyuki nomutima wa yuka. Ndele we mu ulikila ohole ihe nexulilo, eshi wa tula omona kolukalwapangelo laye, ngaashi shi li nena eli.

1 OMAFIMBO 28:7

Ndele Ame ohandi ka pameka ouhamba waye fiyo alushe, ngeenge ta kala omudiinini mokuwanifa oipango yange, ngaashi nena.’

1 OMAFIMBO 28:9

Ndele ove, omumwange Salomo, Kalunga kooxo, kala u mu shii, noku mu longela nomutima aushe nomwenyo u nehalo liwa, osheshi Omwene ta panapana omitima adishe nediladilo keshe lomomwenyo ye e li shii. Ove ngeenge to mu kongo, oto ke mu mona. Ndelenee ngeenge to mu liteeka, Ye ote ku ekeleshi fiyo alushe.

2 OMAFIMBO 29:2

Nokwa ninga osho sha yuka moipafi yOmwene ngaashi xe David a ninga.

2 OMAFIMBO 34:2

Nokwa ninga osho sha yuka momesho Omwene nokwa enda neendjila daxe David, ndele ina kanduka mo nande kolulyo ile kolumosho.

OMAPSALOME 132:12

Ovana voye ovamati, ngeenge tava diinine ehangano lange navo, ehepaululo eli handi longo, opo nee ovana ovamati vavo otava kala yo kolukalwapangelo loye fiyo alushe.”

OMAPSALOME 21:4

Oyo ye ku indila okukalamwenyo; Ove nowe i pa omido dihapu, itadi xulu po fiyo alushe.

OMAPSALOME 21:5

Molwekwafo loye etumbalo layo la ninga linene; owe i tula eenghonopangelo noshinge.

OMAPSALOME 91:16

Ame ohandi mu palula noku mu kaleka nomwenyo mule, ndele ohandi mu monifa exupifo lange.

OMAYELETUMBULO 3:16

Meke lado lokolulyo omu noule womafiku, nomeke lado lokolumosho omu noupuna nefimano.

OMAYELETUMBULO 3:2

osheshi lo otali ku hapupalifile omafiku nomido dokukalamwenyo nombili.

SAKARIA 3:7

Omwene womatanga ovakwaita osho ta ti: “Ove ngeenge to ende nondjila yange ndele to diinine onghedimhango yange, opo nee ove to ka pangela eumbo lange, nosho yo okukelela omaluumbo ange, ndele ame ohandi ke ku itavelela okukala mokati kaava hava kala ofika apa.

OILONGA YOVAYAPOSTOLI 13:22

Ndele eshi ye e mu shundula, okwe va tumbila David, a ninge ohamba, ngaashi Ye e mu tonga, ta ti: ‘Ame onda mona David, omona waIsai, omulumenhu nde mu hokwa komutima wange, ndele ye ota wanifa ehalo lange alishe.’

DEUTERONOMION 25:15

Oiyelekifo yoye nai kale ya wana ya twa, oshiyelekifo shaefa nashi kale sha wana sha twa, opo omafiku oye a hapupalifwe moshilongo, Omwene Kalunga koye te ke shi ku pa.

DEUTERONOMION 5:16

“ ‘Fimaneka xo nanyoko, Omwene Kalunga koye ngaashi e ku lombwela, omafiku oye opo a ninge mahapu, ndele ove u kale nelao medu olo Omwene Kalunga koye ote ke li ku pa.

DEUTERONOMION 5:33

Endeni neendjila odo Omwene Kalunga keni e di mu lombwela, opo mu shiive okukala nomwenyo ndele mu kale yo nelao, opo mu shiive okuhapupalifa omafiku medu olo nye mu noku ke li nangala.

1 TIMOTEUS 4:8

Osheshi edeulo lokolutu oli nekwafo lixupi, ndelenee etilokalunga otali kwafa moinima aishe, osheshi olo li neudaneko lomwenyo wopaife nowokomesho.