1 EEHAMBA 3:12 - Ombibeli Iyapuki

¹² onghee Ame ohandi ningi paendjovo doye: Tala, Ame ohandi ku pe omutima u nomayele, neendunge di dule daaveshe ovo ve ku tetekela naava yo tave ku shikula. Kape na ou te ku fe nande.

1 EEHAMBA 3:12 ပူးပေါင်းရင်းမြစ်များ

1 EEHAMBA 2:6

Longa hano paendunge doye, neenghwakutoka daye ino di efa di kulukile nombili moshovafi.

1 EEHAMBA 2:9

Ndelenee ove ino mu efa a kale ina handukilwa, osheshi ove omulumenhu omunaendunge, ndele u shi shii osho u noku mu ningila, opo eenghwakutoka daye u di kulukilifile moshovafi pamwe nohonde.”

1 EEHAMBA 3:28

Ndele Ovaisraeli aveshe va uda nhumbi ohamba ya tokola eendjovo odo, ndele va tila ohamba. Osheshi va mona nokutya, muye omu neendunge daKalunga okutokola pauyuki.

1 EEHAMBA 5:12

NOmwene okwa pa Salomo ounongo paudaneko laye. Ndele pa kala ombili pokati kaHiram naSalomo, ndele vo vavali va ninga ehangano.

1 EEHAMBA 5:9

Ovapiya vange tave ke di kufa muLibanon noku di twala kefuta, ndele ame ohandi ke di mangela kumwe mefuta, ndele handi ke di tuma apa to lombwele nge, oko ohandi di mangulula kumwe noko to ke di kufa. Ndele ove u nokuwanifa ehalo lange, u tumine eumbo lange eendja.”

1 OMAFIMBO 29:25

NOmwene okwa nenepeka unene Salomo moipafi yOvaisraeli aveshe ndele Ye e mu pa epangelofimano lo inali kala ko kohamba nande imwe yOvaisraeli ye mu tetekela.

2 OMAFIMBO 2:12

Hiram okwa tya vali: “Omwene Kalunga kaIsrael, ou a ninga eulu nedu, na hambelelwe, eshi a yandja kohamba David omona omulumenhu omunongo, ou e nomayele neendunge a tungile Omwene otembeli ndele a tungile ouhamba waye ongulu.

NEHEMIA 13:26

Ndishi Salomo, ohamba yaIsrael, inai nyonifwa kuvo mbela? Nande moiwana inamu kala nande ohamba i fike puye, ye okwa li omuholike waKalunga, ndele Kalunga e mu ninga ohamba yOvaisraeli aveshe, ovalikadi ovanailongo ve mu nyonifa.

OMAPSALOME 10:17

Omwene, Ove ho udu odjuulufi yovalininipiki; Oove ho pameke omitima davo; nokutwi kwoye to ku ehenifa kuvo,

OMAYELETUMBULO 2:6

Osheshi Omwene ta yandje ounongo, mokanya kaye tamu di eshiivo neendunge,

OMUUDIFI 1:13

Ndele nda tula omutima wange mokukonakona ounongo nokupanapana aishe oyo tai ningwa koshi yeulu. Oshilonga shidjuu osho Kalunga e shi pa ovana vovanhu, vo ve lipyakidile nasho.

OMUUDIFI 1:16

Ame nda popya nomwenyo wange, handi ti: “Tala ame nde likongela ounongo, naalushe ounongo ouhapu u dule woshito, u dule aushe waava va li nge komesho muJerusalem, nomutima wange wa mona ounongo uhapu nokushiiva kuhapu.”

JESAJA 65:24

Ndele fimbo inava ifana nge, Ame ohandi ke va itavela, nomanga tava popi, Ame onda uda ko.

DANIEL 1:17

Ndele ovanyasha ovamati ava vane, Kalunga okwe va pa omayele okukoneka omishangwa adishe nounongo keshe. Daniel okwa li e neendunge dokushiiva omamoniko neendjodi.

MATEUS 12:42

Ohamba omukainhu yokoumbuwanhu otai ka fikama pamwe nepupi eli metokolo, ndele tai li pe etimba, osheshi oyo ya dile okominghulo dedu, ye uya okupwilikina eendunge daSalomo, ndele tala, ou e li apa, oku dule Salomo.

LUKAS 21:15

Osheshi Ame ohandi mu pe okanya nomaunongo taa nyenge ovakondjifi veni aveshe oku mu nyamukula ile oku mu twifa eemhata.

DEUTERONOMION 34:9

Ndele Josua yaNun okwa li a yada omhepo younongo, osheshi Moses e mu tenheka omake aye. Novana vaIsrael ova dulika kuye ndele va ninga ngaashi Omwene a lombwela Moses.

OVAKOLOSSI 2:3

Oye tuu ou muye mwa holekwa omamona aeshe ounongo neshiivo.