1 EEHAMBA 21:3 - Ombibeli Iyapuki

³ Ndelenee Nabot ta ti kuAhab: “Omwene na amene nge oku ku pa efyuululo lootate!”

1 EEHAMBA 21:3 ပူးပေါင်းရင်းမြစ်များ

GENESIS 44:17

Ndele ye okwa tya: “Oshinima osho nashi kale kokule naame, ndi ninge ngaha. Omulumenhu ou a hangwa neholo oye aeke ta ka ninga omupika wange. Ndelenee nye indeni nombili kuxo.”

GENESIS 44:7

Opo nee vo ova tya kuye: “Omolwashike omwene wetu ta popi eendjovo da tya ngaha? Eshi oshi li kokule nafye, tu ninge ngaha.

1 OMAFIMBO 11:19

ndele ta ti: “Itandi dulu ndi nwe omeva aa, osheshi onda fa handi nu ohonde yovalumenhu ava, ve ke a talele mokweekelashi eemwenyo davo!” Ndele okwa anya oku a nwa. Ei oilonga youpenda yovakwanyati vatatu.

JOB 27:5

Nashi kale nge kokule, nye ndi mu pe ounongo. Fiyo handi ka fuda mo omufudo wange, itandi ekeleshi po ouyuki wange.

HESEKIEL 46:18

“Ndele ohamba ihe nokukufa omifyuululwamikunda dovanhu noku va ta mo momapya avo. Omepya layo mwene nai tukulile ovana oitukulwa, i ninge efyuululo lavo, paha kale omunhu womovanhu vange, a tewa mepya laye.”

LEVITIKUS 25:23

“Edu yo itali landwa po fiyo alushe, osheshi edu olange, nye ovanailongo novaidililwa pwaame.

NUMERI 36:7

Opo oshitukulwafyuululwa shomepata shiha ninge shomepata limwe. Osheshi ovana vaIsrael, keshe umwe, e nokudiinina oshitukulwafyuululwa shomepata looxe.

NUMERI 36:9

Osho ngaha hano oshitukulwafyuululwa shomepata limwe itashi i kepata likwao. Osheshi keshe epata lomomapata ovana vaIsrael li nokudiinina oshitukulwafyuululwa shalo.”

OVAROMA 3:31

Omhango ohatu i dimi po keitavelo? Nandenande, ndelenee ohatu pameke omhango.

OVAROMA 3:4

Nandenande. Kalunga na kale omunashili, ndele keshe omunhu omunaipupulu, ngaashi pa shangwa: “Opo u shiivike oove omuyuki meendjovo doye, u findane ngeenge to hokololifwa.”

OVAROMA 3:6

Osheshi ngeenge ongaha, Kalunga ota dulu ngahelipi okutokola ounyuni ngeenge ye ke fi omuyuki?

OVAROMA 6:15

Ongahelipi hano? Natu nyone mbela, shaashi tuhe li koshi yomhango, ndele okoshi yefilonghenda? Nandenande.

OVAROMA 6:2

Nandenande. Fye ava twa fya mo moulunde, ohatu kala mo ngahelipi vali?

OVAROMA 7:13

Hano eshi shiwa osha etela nge efyo mbela? Nandenande. Ndelenee oulunde, opo u holoke oo oulunde wa etela nge efyo kwaashi shiwa, opo oulunde u ninge shili oulundelela okoshipango.

OVAROMA 7:7

Paife ohatu ti shike hano? Omhango oyo oulunde? Nandenande. Osheshi ngeno hamhango ya li po, ngeno inandi shiiva oulunde; osheshi omhango ngeno inai tya: “Ino haluka”, ngeno inandi shiiva okahalu.

1 OVAKORINTO 6:15

Kamu shi shii nokutya, omalutu eni oo oinhimbu yaKristus? Otashi dulika ngahelipi oinhimbu yaKristus ame ndi i ninge oinhimbu yombwada yoipala? Nandenande.

OVAGALATI 6:14

Ndelenee ame, nashi kale nge kokule, ndi litangele ngeno oshinima shi lili, omushiyakano wOmwene wetu Jesus Kristus oo auke, molwao ounyuni wa valelelwa nge, naame nda valelelwa ounyuni.

JOSUA 22:29

Nashi kale kokule nafye tu kale tu nondubo nOmwene ndele tu liteeke nena Omwene mokutunga oaltari yomaxwikiloyambo noyeendjayambo noyomatomenoyambo ponho yoaltari yOmwene Kalunga ketu, oyo i li komesho yetwali laye liyapuki.”

JOSUA 24:16

Opo nee ovanhu va nyamukula tava ti: “Nashi kale kokule nafye tu efe Omwene, opo tu longele oikalunga imwe.

1 SAMUEL 12:23

Naame yo nashi kale nge kokule ndi nyone kOmwene ndi efe ngeno oku mu ilikanena. Ndelenee ame ohandi ke mu longa ouwa nondjila ya yuka.

1 SAMUEL 24:6

ndele ye okwa lombwela ovalumenhu: “Omwene na amene nge, ndiha ningile sha omuvaekwa wOmwene wange, ndi mu kume neke lange. Osheshi ye omuvaekwa wOmwene.”