1 EEHAMBA 2:5 - Ombibeli Iyapuki

⁵ Ndele ove mwene yo u shi shii Joab yaSeruja, osho e shi ningila nge. Osho e shi ningila eendjai mbali daIsrael, Abner yaNer naAmasa yaJeter. Nhumbi ye e va dipaa nokwa tilashi ohonde yomoita mefimbo lombili nokunyatekifa nohonde yomoita omwiya waye womoshiya neenghaku dokeemhadi daye.

1 EEHAMBA 2:5 ပူးပေါင်းရင်းမြစ်များ

2 SAMUEL 17:25

Ndele Absalom okwa lenga Amasa a ninge ondjai yovakwaita ponhele yaJoab. Ndele Amasa okwa li omona omumati womulumenhu umwe, edina laye Jitra, Omuismael, ou a nangala naAbigail, omona okakadona kaNahas, omumwaina waSeruja, ina yaJoab.

2 SAMUEL 18:12

Ndelenee omulumenhu ou e mu etela ondaka ta ti kuJoab: “Nande ndi pewe meke lange eesekeli eyovi limwe doshisiliveli, ame itandi nanene eke lange komona wohamba. Osheshi ohamba ye ku lombwela noya lombwela yo Abisai naIttai momatwi etu ndele tai ti: ‘Kaleni noshisho shomunyasha Absalom.’

2 SAMUEL 18:14

Opo nee Joab ta ti: “Ame inandi hala okumana po efimbo naave!” Ndele ye okwa kufa omaonga atatu meke laye a twa momutima waAbsalom fimbo ye kwa li e nomwenyo natango momwandi.

2 SAMUEL 18:5

Ndelenee ohamba ya lombwela Joab naAbisai naIttai ndele tai ti: “Omunyasha Absalom mu ningeni nawa.” Novakwaita aveshe va uda ohamba eshi tai lombwele ovakulunhu aveshe omolwaAbsalom.

2 SAMUEL 2:13

Joab yaSeruja novapiya vaDavid va fikama yo. Ndele vo eshi va shakena kumwe pomufima waGibeon, ova kala omutumba kombinga nombinga yomufima, va taalelafana.

2 SAMUEL 2:18

Ndele pa li ovana ovamati vatatu vaSeruja: Joab naAbisai naAsahel. Ndele Asahel okwa li e nonhapo ngaashi omenye yomofuka.

2 SAMUEL 20:10

ndele Amasa okwa li ina yavala eongamukonda la li meke laJoab. Opo nee ye te mu tu medimo, nomandjadja taa lopotokele poshi ye ine mu tuulula vali. Nokwa fya. Opo nee Joab nomumwaina waAbisai a shikula Sheba yaBikri.

2 SAMUEL 3:27

Abner eshi e uya kuHebron, Joab e mu twala pomunghulo meni loshikololo shoshivelo a popye naye mongumitila, ndele te mu tu medimo, ndele ta fi, omolwomumwaina Asahel.

2 SAMUEL 3:39

Ndelenee ame oshingone natango, nande nda vaekwa ndi ninge ohamba, ndele ovalumenhu ovo, ovana ovamati vaSeruja otava nyenge nge molwoukukutu wavo. Omwene na alulile omukolokoshi paukolokoshi waye!”

1 EEHAMBA 1:7

Nokwa li a kundafana naJoab yaSeruja nomupristeli Abjatar, onghee ova ama kongudu yaAdonia.

1 EEHAMBA 2:32

Opo ohonde yaye Omwene e i alulile komutwe waye mwene, eshi a nhukila ovalumenhu vavali, ovo va li ovayuki novawa, ve mu dule. Ndele e va dipaa neongamukonda fimbo tate David ine shi shiiva: Abner yaNer, ondjai yaIsrael, naAmasa yaJeter, ondjai yaJuda.

JEREMIA 2:34

Nomeenyemba doshikutu shoye omwa monika ohonde yovafyoona va dipawa inava nyona sha. Ove ino va hanga tava fe eumbo loye, ndelenee nande ngaha.

JEREMIA 6:15

Vo otava ka fifwa ohoni, shaashi ova longa oixuna, voovene inava shiiva okufya ohoni, vehe neudito lohoni, onghee ove nokufila pamwe noonakudipawa. Pomafiku enya nge handi va handukile, otava ka xutuka, Omwene osho ta ti.

MATEUS 3:4

Ndele Johannes okwa li ha djala oshikutu sholududi longamelo, nekwamo loshipa moshiya shaye; eendja daye odo oshipaxu nomaadi eenyiki.

DEUTERONOMION 27:24

“ ‘Ou ta dipaa mukwao omudimbaholeka, na tulwe omutima.’ Novanhu aveshe nava tye: ‘Amen!’