1 EEHAMBA 2:4 - Ombibeli Iyapuki

⁴ Omwene opo a wanife ondjovo yaye, Ye a lombwela nge, nokutya: Ovana voye ovamati ngeenge tava pashukile ondjila yavo mokudiinina okweenda koshipala shange nomitima davo adishe neemwenyo davo adishe, opo nee omulumenhu ita ka pumba ou ta ka kala omutumba kolukalwapangelo laIsrael.

1 EEHAMBA 2:4 ပူးပေါင်းရင်းမြစ်များ

GENESIS 17:1

Omido daAbram eshi da ninga omilongo omugoi nomugoi, Omwene okwe mu lihololela ndele te mu lombwele ta ti: “Aame Kalunga Omunaenghono adishe! Kala nokweenda koshipala shange, opo u kale omuyuki.

GENESIS 18:19

Osheshi Ame onde mu hoolola, opo a lombwele ovana vaye neumbo laye nokutya, nava diinine ondjila yOmwene, va shiive okulonga ouyuki noshili, opo Omwene a wanifile Abraham eshi Ye e mu udanekela.”

2 SAMUEL 7:25

Paife hano Omwene Kalunga, wanifa fiyo alushe ondjovo we i tongela omupiya woye nepata laye ndele ninga ngaashi wa popya.

1 EEHAMBA 1:48

Nohamba ya tya yo ngaha: ‘Omwene, Kalunga kaIsrael, na hambelelwe, ou a yandja nena eli umwe ou ta kala omutumba kolukalwapangelo lange, nomesho ange e shi mona.’ ”

1 EEHAMBA 11:36

Nomona waye omulumenhu Ame ohandi ke mu pa epata limwe, opo omupiya wange David, a kale alushe e nolamba moipafi yange muJerusalem, oshilando Ame nde shi hoololela edina lange, opo li kale mo.

1 EEHAMBA 3:14

Ndele ngeenge to ende neendjila dange, ndele to diinine eenghedimhango dange noipango yange, ngaashi xo David a enda, opo nee Ame ohandi ka hapupalifa omafiku oye.”

1 EEHAMBA 3:3

Ndele Salomo okwa li e hole Omwene nokweenda neenghedimhango daxe David. Ndelenee natango tuu ye a yamba koikulundu yokuyamba.

1 EEHAMBA 6:12

“Ongulu ei to i tungu: ove ngeenge to kala nokweenda meenghedimhango dange ndele to wanifa omalombwelo ange ndele to diinine oipango yange u ende nayo, opo nee Ame ohandi ke ku wanifila eendjovo dange nde di lombwela xo David,

1 EEHAMBA 8:23

ndele ta ti: “Omwene Kalunga kaIsrael, meulu nokombada yedu alishe kakuna ou e ku fa, ou to diinine ehangano nouwanghenda kovapiya voye ovo hava ende koshipala shoye nomutima wavo aushe,

1 EEHAMBA 8:25

Wanifa yo, Omwene Kalunga kaIsrael, omaudaneko makwao aa wa udanekela tate David, nokutya: ‘Itapu ka pumbulukwa ohamba moludalo loye, oyo tai pangele Ovaisraeli, ngeenge tava diinine ondjila yange nokweenda momhango yange ngaashi ove wa enda koshipala shange.’

1 EEHAMBA 9:5

opo nee Ame ohandi ka pameka fiyo alushe ouhamba woye wokupangela Israel, ngaashi nda udanekela xo David nokutya: Itapa ka pumba nande omulumenhu ou ta ka kala omutumba kolukalwapangelo laIsrael.

2 EEHAMBA 20:3

“Akutu Omwene, dimbulukwa nhumbi nda kala nokweenda koshipala shoye moudiinini nomutima aushe, ndele nda ninga osho sha wapalela omesho oye.” Ndele Hiskia okwa lila unene.

2 EEHAMBA 23:25

Ndele kakwa li nande ohamba imwe komesho yaye ngaashi ye, ou e lidilulula e liyandja kOmwene nomutima waye aushe nomwenyo waye aushe neenghono daye adishe pamhango aishe yaMoses, ndele konima yaye inapa holoka nande imwe ngaashi ye.

2 EEHAMBA 23:3

Nohamba ya kala ofika pongudi ndele tai ningi ehangano nOmwene koshipala shOmwene, nokutya vo ve nokudiinina nomutima aushe nomwenyo aushe oipango yaye neendobwedi daye neenghedimhango daye, opo va diinine eendjovo odo da shangelwa membo olo. Novanhu aveshe ve uya mehangano olo.

1 OMAFIMBO 28:9

Ndele ove, omumwange Salomo, Kalunga kooxo, kala u mu shii, noku mu longela nomutima aushe nomwenyo u nehalo liwa, osheshi Omwene ta panapana omitima adishe nediladilo keshe lomomwenyo ye e li shii. Ove ngeenge to mu kongo, oto ke mu mona. Ndelenee ngeenge to mu liteeka, Ye ote ku ekeleshi fiyo alushe.

2 OMAFIMBO 17:3

NOmwene okwa kala naJosafat, shaashi a enda neendjila diwa donale daxe David. Ndele ina konga ooBaal.

2 OMAFIMBO 6:16

Wanifa yo, Omwene Kalunga kaIsrael, omaudaneko makwao aa wa udanekela tate David, nokutya: ‘Itapu ka pumbulukwa ohamba moludalo loye, oyo tai pangele Ovaisraeli, ngeenge tava diinine ondjila yange nokweenda momhango yange ngaashi ove wa enda koshipala shange.’

2 OMAFIMBO 7:18

opo nee Ame ohandi ka pameka olukalwapangelo loye, ngaashi nda udanekela xo David, eshi nda tile: ‘Ove ito ka pumbwa nande omulumenhu ou ta pangele Ovaisraeli.’

OMAPSALOME 119:9

Ondjila ilipipo i nokweendwa komumati, a kale omukoshoki? Ongeenge te liyandje meulikilo londjovo yoye.

OMAPSALOME 37:22

Osheshi ava va punikwa kOmwene, otava fyuulula edu, ndelenee ava va fingwa kuye, otava kombwa po.

OMAPSALOME 37:9

Osheshi ovaningi vowii otava ka kombololwa po, ndelenee ava tava teelele Omwene, otava ka nangala oshilongo.

OMAPSALOME 39:1

Onda li nda tya: “Onda hala okulungamena okweenda kwange, ndiha nyone nelaka lange; onda hala okuyukifa okanya kange noshitomo, omuhenakalunga fimbo e li komesho yange.”

JEREMIA 33:17

Osheshi Omwene ota ti: Otapa ka kala alushe omulumenhu womepata laDavid, ta kala omutumba kolukalwapangelo leumbo laIsrael.

LEVITIKUS 26:3

“Nye ngeenge tamu ende meenghedimhango dange ndele tamu diinine oipango yange noku i wanifa,

SAKARIA 14:2

Osheshi Ame ohandi ka ongela oiwana aishe i homone Jerusalem. Ndele oshilando tashi ka tewa nomaumbo taa tinhwa novakainhu tava ka haelwa, ndele etata loshilando tali ka twalwa moukwatwa, ndelenee oshixupe shoshiwana itashi ka teywa mo moshilando.

MATEUS 22:37

Ndele Ye okwa tya kuye: “ ‘Hola Omwene Kalunga koye nomutima woye aushe nomwenyo woye aushe neendunge doye adishe.’

LUKAS 1:6

Ndele vo aveshe vavali ova li ovayuki koshipala shaKalunga nokweenda moipango aishe nomeenghedi dOmwene, ndele va li vehe na oshipo.

DEUTERONOMION 10:12

“Ndele paife Israel, Omwene Kalunga koye ote ku pula shike shimwe ngeno, ashike ove u kale nokutila Omwene Kalunga koye, u ende alushe neendjila daye, ndele u mu hole nokulongela Omwene Kalunga koye nomutima woye aushe nomwenyo woye aushe.

DEUTERONOMION 11:13

Hano nye ngeenge tamu pwilikine nawa oipango yange ei ame handi mu lombwele nena eli, mu kale nokuhola Omwene Kalunga keni noku mu longela nomutima weni aushe nomwenyo weni aushe,

DEUTERONOMION 6:5

Ndele ove hola Omwene Kalunga koye nomutima woye aushe, nomwenyo woye aushe, neenghono doye adishe.

DEUTERONOMION 7:12

“Ndele nye ngeenge tamu udu eenghedimhango edi ndele tamu di wanifa, Omwene Kalunga keni ote ke mu diininina ehangano nouwanghenda ou, Ye e u anenene ooxo,

JUDAS 1:24

Ndelenee Oye ou ta dulu oku mu amena, muha punduke note mu kaleke mehafo koshipala shoshinge shaye, muhe noshipo,