1 EEHAMBA 2:31 - Ombibeli Iyapuki

³¹ Opo nee ohamba ye mu lombwela: “Ninga ngaashi a popya. Mu dipaa, ndele mu paka, opo u futile po ohonde ei Joab a tilashi, ihe netimba mwaame nomepata letu.

1 EEHAMBA 2:31 ပူးပေါင်းရင်းမြစ်များ

2 SAMUEL 3:28

David eshi e shi uda ta ti: Ame noshilongo shange, katu netimba lohonde yaAbner yaNer fiyo alushe koshipala shOmwene.

2 SAMUEL 3:29

Nali wile komutwe waJoab nokombada yepata laye alishe, ndele meumbo laJoab mu nokukala omunhu ou e na eshisho lomaxu ile oudu woshilundu ile ou ta endele keemhani ile ou ta dipawa keongamukonda ile ou a hepa omungome.

1 EEHAMBA 2:30

Opo nee Benaja e uya ketwali lOmwene ndele ta ti kuye: “Ohamba tai ti: ‘Dja mo.’ ” Ndelenee ye ta ti: “Ahowe, osheshi nda hala okufila apa!” Ndele Benaja okwa tuma kohamba enyamukulo ndele ta ti: “Osho ngaha Joab a popya, nosho a nyamukula nge.”

2 EEHAMBA 9:26

‘Oshili, Ame nda mona onghela ohonde yaNabot noyovana vaye, Omwene ta ti, ndele mepya eli handi ke ku handukilila, Omwene ta ti.’ Onghee hano, mu kufa, u mu ekele mepya eli, pandjovo yOmwene.”

EXODUS 21:14

Ndelenee umwe ngeenge ta nyono kumukwao owina ndele te mu dipaa moku mu kengelela, ove u noku mu kufa koaltari yange a dipawe.

OMAYELETUMBULO 28:17

Omunhu ou ta fininikwa ketimba lohonde yomunhu e nokuhondama fiyo okefyo laye. Kape na nande umwe ou te mu amene.

NUMERI 35:33

Ndele nye inamu nyateka edu olo mu li mulo, osheshi ohonde tai nyateke edu. Edu olo itali ka kwatakanifwa molwohonde ei ya tililwa mo, ashike nohonde yaau e i tilashi.

OILONGA YOVAYAPOSTOLI 28:4

Opo nee ovanhu vamo eshi va mona euta la endjelela keke laye, ova popya tava ti: “Omulumenhu ou shiimba oye omudipai, osheshi kalungakadona kehandukilo inake mu efa, nande a xupifwa mefuta, a kale e nomwenyo.”