1 EEHAMBA 2:3 - Ombibeli Iyapuki

³ diinina omhango yOmwene Kalunga koye mokweenda neendjila daye nomokuwanifa eenghedimhango daye noipango yaye nomalombwelo aye nomahepaululo aye, ngaashi a shangelwa momhango yaMoses, opo u kale nelao mwaashishe to longo nokeshe apa to ende po.

1 EEHAMBA 2:3 ပူးပေါင်းရင်းမြစ်များ

2 SAMUEL 8:14

Ndele David okwa tula omatanga ovakwaita muEdom ashishe. NOvaedom aveshe va ninga ovapangelwa vaDavid. NOmwene okwa yandja kuDavid omafindano keshe apa a homona.

2 SAMUEL 8:6

Ndele David okwa nangeka omatanga ovakwaita muAram shaDamaskus, onghee Ovaarami va ninga ovapangelwa vaye tava yandje oifendela. NOmwene okwa yandja kuDavid omafindano keshe apa a homona.

1 EEHAMBA 3:3

Ndele Salomo okwa li e hole Omwene nokweenda neenghedimhango daxe David. Ndelenee natango tuu ye a yamba koikulundu yokuyamba.

2 EEHAMBA 18:7

NOmwene a kala pamwe naye. Keshe apa a ya, ye okwa li e nelao. Ndele ye okwe liteeka ohamba yaAsiria, ndele ine i longela vali.

1 OMAFIMBO 29:19

ndele pa omumwange Salomo omutima umwe a diinine oipango yoye neendobwedi doye neenghedimhango doye, opo a ninge ashishe nokutunga ouhamba oo nde u longekida.”

OMAPSALOME 119:111

Omalongo oye oo efyuululo lange fiyo alushe, osheshi oo oshihafifo shomutima wange.

OMAPSALOME 119:138

Ove owa pangela omahepaululo oye nouyuki noshili inene; itaa lunduluka.

OMAPSALOME 119:2

Ovanelao ovava tava diinine omalongo aye, ndele tave mu kongo nomutima aushe,

OMAPSALOME 19:7

Omhango yOmwene oya wanenena, yo ohai hekeleke omwenyo; ehepaululo lOmwene oli shii okulineekelwa shili, olo hali nongopaleke omalai.

OMUUDIFI 12:13

Efina loinima aishe twe i uda oleli: Tila Kalunga u diinine oipango yaye. Osheshi omunhu keshe osho e nokuninga.

LEVITIKUS 8:35

Nye mu nokukala poshivelo shetwali leongalo omafiku aheyali oufiku nomutenya. Nomu nokudiinina omalombwelo Omwene muha fye. Osheshi osho ngaha hano ame nda lombwelwa.”

MALAKIA 4:4

Dimbulukweni omhango yaMoses, omupiya wange, ei Ame nde i mu lombwela kuHoreb, i ninge eenghedimhango noipango kuIsrael ashishe.

DEUTERONOMION 29:8

ndele twa nangala oshilongo shado, ndele twe shi yandja efyuululo kOvarubeni nOvagad noketata lepata lOvamanasse.

DEUTERONOMION 29:9

Diinineni hano eendjovo dehangano eli noku di wanifa, opo mu mone elao mwaashishe tamu shi ningi.

DEUTERONOMION 4:1

“Israel, pwilikina hano paife eenghedimhango nomalombwelo aa ame handi mu longo mu a wanife, opo mu kale nomwenyo nokuya medu olo Omwene Kalunga kooxo te ke mu pa, mu li nangale.

DEUTERONOMION 4:45

Odo eendobwedi neenghedimhango nomalombwelo, Moses e a lombwela ovana vaIsrael mokudja kwavo muEgipiti,

DEUTERONOMION 4:5

Taleni, ame nde mu longa eenghedimhango nomalombwelo ngaashi Omwene Kalunga kange a lombwela nge, opo mu di shikule medu olo tamu ka nangala.

DEUTERONOMION 4:8

Noshiwana shilipipo shinene shi li po ngeno shi neenghedimhango da yuka nomalombwelo ngaashi omhango aishe ei ame handi mu pe nena?

DEUTERONOMION 5:1

Ndele Moses okwa shiva Israel ashishe, ndele ta ti kusho: “Israel, pwilikina eenghedimhango nomalombwelo ame ohandi a udifa momatwi eni nena eli, nye mu noku e lilonga noku a diinina shili.

JOSUA 22:5

Ashike diinineni shili oshipango nomhango ei, Moses omupiya wOmwene, e mu lombwela mu kale nokuhola Omwene Kalunga keni nokweenda neendjila daye adishe nokudiinina oipango yaye nokukanyatela muye noku mu longela nomutima weni aushe nomwenyo weni aushe.”

JOSUA 23:6

Ndelenee nye mu nokukala mwa pama nokudiinina shili aishe ya shangelwa mo membo lomhango yaMoses muha yapukile kolulyo ile kolumosho lomhango.

1 SAMUEL 18:14

Ndele David okwa li e nelao meendjila daye adishe, osheshi Omwene okwa li e mu na.

1 SAMUEL 18:30

Ndelenee eehamba dOvafilisti da homona. Ndele alushe do eshi da homona, elao laDavid la hapupala li dule lovapiya aveshe vaSaul, onghee hano edina laye la fimanekwa unene pombada.

1 SAMUEL 18:5

Ndele David okwa ya keshe apa Saul e mu tuma, ndele ye okwa li e nelao, onghee hano Saul e mu lenga a ninge omukulunhu wovakwaita. Osho sha wapalela ovanhu aveshe novapiya vaSaul yo.