1 EEHAMBA 2:26 - Ombibeli Iyapuki

²⁶ Nohamba ya lombwela omupristeli Abjatar ndele tai ti: “Inda kepya loye lomuAnatot, osheshi ove we lilongela okufya. Ndelenee nena itandi ku dipaa, osheshi ove wa humbata oshikefa shOmwene Kalunga moipafi yatate David nosho wa humbata oudjuu aushe tate kwa li e nokuhumbata.”

1 EEHAMBA 2:26 ပူးပေါင်းရင်းမြစ်များ

2 SAMUEL 12:5

Ndele David okwa handuka unene ndele ta ti kuNatan: “Oshili, ngaashi Omwene e nomwenyo, omulumenhu ou e shi ninga, e nokufya!

1 EEHAMBA 1:25

Osheshi ye a ya nena a ka tome eengobe neemhunya da ondoka needi dihapu, nokwa ifana ko ovana aveshe ovamati vohamba novakulunhu vovakwaita nomupristeli Abjatar, ndele tala, otava li notava nu moipafi yaye, ndele tava ti: ‘Ohamba Adonia na kale nomwenyo!’

1 EEHAMBA 1:7

Nokwa li a kundafana naJoab yaSeruja nomupristeli Abjatar, onghee ova ama kongudu yaAdonia.

1 EEHAMBA 2:35

Opo nee ohamba ya lenga Benaja yaJehoiada, a ninga ondjai yovakwaita ponhele yaJoab. Ndele omupristeli Sadok okwa tulwa kohamba ponhele yaAbjatar.

JESAJA 10:30

Kuwa onghuwo, oove okakadona kaGallim! Laisa, pwilikina! Woo oove, Anatot!

JEREMIA 1:1

Eendjovo daJeremia, omona waHilkia womovapristeli vokuAnatot, medu laBenjamin,

MATEUS 10:42

Nakeshe ou ta nwefa umwe waava vaxupi eholo lomeva omolwedina lomulongwa, oshili handi mu lombwele: Oye ita ka kanifa ondjabi yaye.”

LUKAS 22:28

“Ndele nye, onye tuu ava mwa kala pwaame momayeleko ange,

OVAGALATI 3:4

Oshike mwe litwika oudjuu u fike apa epwanga? Ngeenge epwanga shili.

JOSUA 21:18

naAnatot noulifilo washo naAlmon noulifilo washo: oilando ine.

1 SAMUEL 2:32

Ndele ove oto ka tala omutondadi e li mongulu yange nomouwa aushe ou Ye ote ke u ningila Israel. Ndele meumbo loye itamu ka kala nande umwe ta fiki koukulunhu.

1 SAMUEL 26:16

Oshilonga eshi we shi ninga, inashi ku wapalela. Oshili ngaashi Omwene e nomwenyo, nye mwe lilongela efyo, shaashi inamu nangela omwene weni, omuvaekwa wOmwene. Ndele tala hano paife, eonga lohamba nombao yomeva ei ya li pomutwe waye, oi li peni?”