1 EEHAMBA 2:25 - Ombibeli Iyapuki

²⁵ Nohamba Salomo ya tuma koBenaja yaJehoiada. Ye mu nhukila, ndele ta fi.

1 EEHAMBA 2:25 ပူးပေါင်းရင်းမြစ်များ

2 SAMUEL 1:15

Opo nee David a ifana omumati umwe ndele ta ti: “Ehena oku. Mu nhukila!” Ndele ye e mu denga poshi nokwe mu dipaa.

2 SAMUEL 12:10

Ndele paife eongamukonda itali ka efa fiyo alushe epata loye, osheshi wa dina nge, ndelenee wa kufa omwalikadi waUria, Omuheti, a ninge omwalikadi woye.’

2 SAMUEL 4:12

Opo nee David a lombwela ovamati ndele vo ve va dipaa ndele va teta ko omake neemhadi davo ndele ve va endjelelifa petale laHebron. Ndele omutwe waIsboset ve u kufa po ndele ve u paka mombila yaAbner muHebron.

2 SAMUEL 8:18

Ndele Benaja yaJehoiada okwa li omukulunhu wOvakereti nowOvapleti, novana ovamati vaDavid va li ovapristeli.

1 EEHAMBA 2:29

Ndele va lombwela ohamba Salomo: “Joab okwa ya onhapo metwali lOmwene, ndele tala, ye e li poaltari!” Opo nee Salomo a shiivifila Benaja yaJehoiada: “Inda ko, u mu dipae!”

1 EEHAMBA 2:31

Opo nee ohamba ye mu lombwela: “Ninga ngaashi a popya. Mu dipaa, ndele mu paka, opo u futile po ohonde ei Joab a tilashi, ihe netimba mwaame nomepata letu.

1 EEHAMBA 2:34

Opo nee Benaja yaJehoiada a ya ko, e mu nhukila nokwe mu dipaa. Ndele a pakwa meumbo laye mombuwa.

1 EEHAMBA 2:46

Opo nee ohamba ya lombwela Benaja yaJehoiada. Ye okwa ya nokwe mu nhukila ndele ye okwa fya. Ndele ouhamba wa pamekwa meke laSalomo.

OVATOKOLIPANGELI 15:12

Opo nee vo tava ti kuye: Fye twe uya tu ku mange, opo tu ku yandje momake Ovafilisti. Ndele Simson ta ti kuvo: Aneni nge nye vene muha dipae nge.

1 SAMUEL 15:33

Ndelenee Samuel okwa tya: “Ngaashi eongamukonda loye la nyeka ovalikadi ovana, osho yo nyoko ta ka kala ehe novana mokati kovakainhu.” Opo nee Samuel a tetaula Agag oinhimbu moipafi yOmwene muGilgal.