1 EEHAMBA 2:22 - Ombibeli Iyapuki

²² Opo nee ohamba Salomo tai nyamukula ndele tai ti kuina: “Ndelenee omolwashike to indilile Adonia Abisag Omushunemi? Mu indilila yo ouhamba, osheshi ye omumwatate omukulu wange, heeno, mu indilila ye mwene, nomupristeli Abjatar naJoab yaSeruja!”

1 EEHAMBA 2:22 ပူးပေါင်းရင်းမြစ်များ

2 SAMUEL 12:8

ndele Ame nde ku pa eumbo lomwene woye novalikadi vomwene woye mekolo loye. Ndele Ame nde ku pa epata laIsrael nolaJuda. Ndele osho ngeenge osha li shinini, ngeno ohandi ku wedele ko vali oinima ya tya ngaha.

2 SAMUEL 16:21

Ndele Ahitofel ta nyamukula Absalom ndele ta ti: “Inda kovalikadi vaxo vopomunghulo, ovo va fiwa po kuxo va kelele eumbo. Opo nee Ovaisraeli aveshe tava ka uda nokutya, ove we litondifa kuxo nomaoko aaveshe ovo ve li pwoove taa ka pamekwa.”

1 EEHAMBA 1:11

Opo nee Natan ta ti kuBatseba, ina yaSalomo: “Ino uda yo tuu nokutya, Adonia yaHaggit okwa ninga ohamba? Nomwene wetu David ine shi uda.

1 EEHAMBA 2:15

Nena okwa tya: “Ou shi shii nokutya, ouhamba wa li wange, nOvaisraeli aveshe va tala nge ame ndi ninge ohamba. Ndelenee ouhamba wa dja po pwaame ndele wa ninga womumwatate, osheshi osho sha dja kOmwene.

1 OMAFIMBO 3:2

omutitatu oAbsalom, omona omumati waMaaka, omona waTalmai, ohamba yaGesur. Omutine oAdonia yaHaggit;

1 OMAFIMBO 3:5

Ndele muJerusalem okwa dalelwa ava: Simea naSobab naNatan naSalomo, vane kuBat-Sua, omona okakadona kaAmmiel.

MATEUS 20:22

Ndelenee Jesus okwe mu nyamukula ndele ta ti: “Onye kamu shi shii eshi mwa hala. Otamu dulu tuu okunwa eholo olo handi ke li nwa?” Ovo va tya kuye: “Ohatu shi dulu.”

MARKUS 10:38

Ndele Jesus okwa tya kuvo: “Kamu shi shii eshi tamu shi indile. Otamu dulu tuu okunwa eholo linya ndi noku ke li nwa, ile okushashwa neshasho linya ndi noku ke li shashwa?”

JAKOB 4:3

Nande hamu indile, ihamu mono sha, shaashi ohamu indile nai, mu i longife mouhalu weni.