1 EEHAMBA 15:5 - Ombibeli Iyapuki

⁵ osheshi David a ninga osho sha yuka momesho Omwene ndele ina yapuka mo mwaashishe Ye e mu lombwela momafiku aeshe omokukala kwaye, moshinima shimwe ashike nokutya, shaUria, Omuheti.

1 EEHAMBA 15:5 ပူးပေါင်းရင်းမြစ်များ

1 EEHAMBA 14:8

ndele nda kufa ouhamba meumbo laDavid ndele nde u ku pa. Ndelenee ove ino kala ngaashi omupiya wange David, ou a diinina oipango yange, nokwa shikula nge nomutima aushe, onghee hano a longa osho ashike sha li sha yuka momesho ange.

1 EEHAMBA 15:3

Ndele ye okwa enda noulunde aushe waxe, ou e mu kala komesho, nokunyona. Nomutima waye inau kalela shili Omwene Kalunga kaye ngaashi omutima waxe David.

1 EEHAMBA 3:3

Ndele Salomo okwa li e hole Omwene nokweenda neenghedimhango daxe David. Ndelenee natango tuu ye a yamba koikulundu yokuyamba.

1 EEHAMBA 9:4

Ndele ove ngeenge ho ende koshipala shange ngaashi xo David a enda nomutima aushe nomouyuki okuninga ngaashi Ame nde ku lombwela ndele ho diinine eenghedimhango dange nomalombwelo ange,

2 EEHAMBA 22:2

Nokwa ninga osho sha yuka momesho Omwene, ndele ta ende moinima aishe nondjila yaxe David, ndele ina kanduka mo nande kolulyo ile kolumosho.

2 OMAFIMBO 34:2

Nokwa ninga osho sha yuka momesho Omwene nokwa enda neendjila daxe David, ndele ina kanduka mo nande kolulyo ile kolumosho.

OMAPSALOME 119:102

Momayukifo oye itandi pumu mo, osheshi Ove mwene wa longa nge.

OMAPSALOME 119:6

Opo ngeno ame itandi fifwa ohoni, eshi handi tale oipango yoye aishe.

OMAPSALOME 51:1

Akutu, Kalunga, file nge onghenda molwouwanghenda woye. Molwefilonghenda loye linene dima po omatimba ange.

LUKAS 1:6

Ndele vo aveshe vavali ova li ovayuki koshipala shaKalunga nokweenda moipango aishe nomeenghedi dOmwene, ndele va li vehe na oshipo.

OILONGA YOVAYAPOSTOLI 13:22

Ndele eshi ye e mu shundula, okwe va tumbila David, a ninge ohamba, ngaashi Ye e mu tonga, ta ti: ‘Ame onda mona David, omona waIsai, omulumenhu nde mu hokwa komutima wange, ndele ye ota wanifa ehalo lange alishe.’

OILONGA YOVAYAPOSTOLI 13:36

Osheshi David eshi a longele ehalo laKalunga pefimbo laye, okwa kofa, ndele okwa ongelwa pooxekulu, ndele okwa mona eolelo.

DEUTERONOMION 17:20

opo omutima wayo uhe linenepekele vakwao ndele yo itai yapuka mo momhango nande kolulyo ile kolumosho, opo i hapupalife omafiku ayo novana vayo ovamati mouhamba wayo muIsrael.

1 SAMUEL 25:28

Dima po hano etimba lomupiya woye omukainhu, osheshi Omwene ota ka dikila shili omwene wange eumbo tali kalelele, osheshi omwene wange ta shingi oita yOmwene nomokukala kwoye akushe inamu monika owii.